أخطاء شائعة تضر باللاب توب

[pearl jesus]

أخطاء شائعة تقصر عمر اللاب توب و تضعف آداءه

يحتاج العديد من مستخدمي أجهزة اللاب توب في بعض الأحيان إلى تغيير بطارية الجهاز، أو شراء شاحن آخر، أو عمل إعادة تهيئة format للجهاز، بينما تستغرق أجهزة اخرى وقتًا أطول من المعتاد لتشغيلها أو غلقها، وينتج ذلك عن أخطاء شائعة نقوم بها أثناء استخدامنا لأجهزتنا دون أن نعرف مدى تأثيرها السلبي على أداء الجهاز، وفيما يلي بعض هذه الأخطاء الشائعة التي يجب تجنبها:

1. يقوم العديد من المستخدمين بشحن بطارية اللاب توب لمدة طويلة، خاصة عند وضع الشاحن في الكهرباء أثناء تشغيله، مما يتسبب في تضخم البطارية، وإتلافها، ونجد أن كثير من المستخدمين يقومون بذلك، بينما لا يحتاج المستخدم البطارية إلا في حالة عدم تواجد "بريزة" كهربائية لوضع الشاحن بها، وغير ذلك فيمكن للمستخدم فصل البطارية عن الجهاز، وتشغيل اللاب توب بالشاحن.

2. ترك اللاب توب على وضعية sleep، أو hibernate، وعدم غلقه إغلاقًا تامًا، فكل ما تقوم به هاتين الوضعيتين هو وقف الرامات عن العمل، بينما تترك المعالج processor يعمل، مما يؤدي إلى انخفاض أداء الجهاز بسبب ترك المعالج يعمل لفترة طويلة دون توقف، وأفضل ما يتم عمله هو إنهاء التطبيقات وغلق الجهاز غلقًا تامًا، حتى يستريح الجهاز.

3. النقر بقوة على التاتش باد، مما يؤدي إلى فقدها حساسيتها، التي هي العامل الرئيسي في تشغيلها، حيث يؤدي النقر عليها بقوة إلى إتلافها، واضطرار المستخدم إلى الاستعاضة عنها بالماوس، بينما كل ما يجب على المستخدم عمله، هو تحريك اليد على التاتش باد بطلف شديد، واستخدام زري الباد، اليمين واليسار، كذلك يجب ألا ينقر المستخدم على التاتش باد بيد ملوثة، حيث يضطر بعدها المستخدم أن يمسح مكان المنطقة التي تلوثت، مما يفقد الباد جزءًا آخر من حساسيتها.

4. يتكون جهاز اللاب توب من شاشة ولوحة مفاتيح، إلا أن بعض المستخدمين يحملون الجهاز أحيانًا من الكيبورد فقط، مما ينتج عنه التحميل الزائد على الشاشة، مما يؤدي إلى إتلاف الأسلاك شديدة الدقة، والتي يبلغ سمكها نصف مللي.

5. تحريك الشاشة للأمام والخلف باستمرار، حيث تحتوي المفاصل التي تربط الشاشة بلوحة المفاتيح على زمبرك (سوستة) تتحرك مع تحريك الشاشة، مما يؤثر على مكونات الجهاز hardware ويتسبب في إتلاف الشاشة تلفًا تامًا.

6. يجب أيضا على المستخدم تنظيف الجهاز باستمرار حتى لا تتراكم الأتربة داخل الجهاز، خاصة أن أجهزة اللاب توب تحتوي على فتحات كثيرة مثل فتحات السماعات، وفتحات التاتش باد، والفتحات المتعددة لأزراز لوجة المفاتيح، ويجب استخدام السوائل المخصصة لتنظيف الشاشة، وعدم استخدام أية مواد أخرى مثل العطور أو الكولونيا.

7. حاول أن تترك للجهاز منفذًا يدخل منه الهواء، حتى لا ترتفع حرارة مكوناته الداخلية، حيث أن العديد من المستخدمين يعملون بأجهزة اللاب على الفراش أو على أجسامهم مما يؤدي إلى إغلاق مسامات التهوية الموجودة أسفل الجهاز، مما يتلف هذه المكونات سريعًا.

8. ترك مساحة مناسبة للسي drive C، وهو الدرايف الخاص لتهيئة البرامج، حيث يضطر بعض المستخدمين إلى إعادة تهيئة السي، حتى يتثنى لهم تهيئة برامج جديدة، لا يوجد لها مساحة، نتيجة عدم تركهم المساحة الكافية، وفي كافة الأحوال فمن الأفضل ألا تزيد هذه المساحة عن 100 جيجا، ولا تقل عن 30 جيجا.

منقول للفائدة

[رشروشة]

رد: أخطاء شائعة تضر باللاب توب

معلومات حلوة ومفيدة
هلا بالنسبة للعانية بالجهاز منعتني فيه
اما بالنسبة للشحن اي جهازي مابيشتغل اكتر من ساعة ونص او ساعتين بالكتير بلا شحن
مشان هيك بضطر خلي ع الشحن pearl jesus

[كريستين ويسوع ربي]

رد: أخطاء شائعة تضر باللاب توب

شكرا عالنصايح المهمة
يسلم اناملك

[marmora_56]

رد: أخطاء شائعة تضر باللاب توب

شكرا الك
انا بشيلو من الشاشة احيانا
رح انتبه من هلا ورايح

[midnight man]

رد: أخطاء شائعة تضر باللاب توب

يسلمو نصائح هامة كتير.... بس سؤال: يعني لازم (إذا في كهربا) وكنت واصل اللاب توب بالكهربا وعماشتغل عليه لازم شيل البطارية؟؟؟ بعرف أنو بوجود كهربا بيتحول أوتو ماتيكياً للعمل بالكهرباء تبع البيت وبيترك البطارية؟؟

[NermeeN]

رد: أخطاء شائعة تضر باللاب توب

معلومات مهمة

مشكورة على تعبك

[pearl jesus]

رد: أخطاء شائعة تضر باللاب توب

معلومات حلوة ومفيدة
هلا بالنسبة للعانية بالجهاز منعتني فيه
اما بالنسبة للشحن اي جهازي مابيشتغل اكتر من ساعة ونص او ساعتين بالكتير بلا شحن
مشان هيك بضطر خلي ع الشحن pearl jesus

ههههههههههههه معناها كبيه منورة رشروش

[TAMAR]

رد: أخطاء شائعة تضر باللاب توب

بالنسبة لألي كلللللللللللللللللللللللللللللللللللللللللل هالنصايح اللي أتحفتيني فين .... انا ما بعملن
كل شي بعمل عكسو


اما والآن ننتقل للبطارية ، بطارية لابتوبي .. عم تحتضر .. يعني ما ماتت لسه
بتعيش ل 10 دقيايق ماكسيموم بلا كهربا
وما لقيت ولا بطارية مرتبة بالسوق

شو تشخيصك للابتوبي
كبو هو كمان








لا تحلمي

[farah_s]

رد: أخطاء شائعة تضر باللاب توب


اي والله كان عنا لاب توب نزعناه فكرنا ادا ضلينا تاركينه بالشحن احسن

هيك وخربت بطاريه مابيشتغل ربع ساعه بلا شحن

وهلآ جبنا واحد جديد وهي المعلومات بتفيدنا اكيد

[TALAR]

رد: أخطاء شائعة تضر باللاب توب

[رشروشة]

رد: أخطاء شائعة تضر باللاب توب

اي ع سيرة البطارية كيف بدي حافظ عليها قبل ماتموت

[ohannes]

رد: أخطاء شائعة تضر باللاب توب

لابتوبات على كيف كيفك شو حافظ عليا ....كل 6 شهور بغير لابتوب ....أحيانآ كل 3 شهور ....شوبدي إحوي لابتوب مدى العمر

بعدين التغير حلو....غير الابتوب وتمتع بنكهة الأبتوب الجديد ولونه الفريد ومبزاته الجديدة

[midnight man]

رد: أخطاء شائعة تضر باللاب توب

بتعرف أن ما بحب غير جهازي مع أنو فيني... بس عنجد بيصير بيني وبين الجهاز صداقة وإلفة وبزعل عليه إذا بدلتو.... يعني لما جبت اللابتوب من 3 سنين حسيت الكمبيوتر القديم (المكتبي) عميزورني ويطلع فيني بخيبة أمل ... حتى صرت فوت عالغرفة اتحاشى طلع فيه.........
يلي بيقول عني مجنون هوي المجنون... سامعكن

[TAMAR]

رد: أخطاء شائعة تضر باللاب توب

بتعرف أن ما بحب غير جهازي مع أنو فيني... بس عنجد بيصير بيني وبين الجهاز صداقة وإلفة وبزعل عليه إذا بدلتو.... يعني لما جبت اللابتوب من 3 سنين حسيت الكمبيوتر القديم (المكتبي) عميزورني ويطلع فيني بخيبة أمل ... حتى صرت فوت عالغرفة اتحاشى طلع فيه.........
يلي بيقول عني مجنون هوي المجنون... سامعكن

لا لا مو مجنون
انا كمان متلك
شوووووووووووو .. لك طلعنا انا وانت مجانين


من آخرو .......... لابتوبي ما ببدلو بكنووووووووووووووووووز الدني .. إلا بآبل

[ابو جان]

رد: أخطاء شائعة تضر باللاب توب

2. ترك اللاب توب على وضعية sleep، أو hibernate، وعدم غلقه إغلاقًا تامًا، فكل ما تقوم به هاتين الوضعيتين هو وقف الرامات عن العمل، بينما تترك المعالج processor يعمل، مما يؤدي إلى انخفاض أداء الجهاز بسبب ترك المعالج يعمل لفترة طويلة دون توقف، وأفضل ما يتم عمله هو إنهاء التطبيقات وغلق الجهاز غلقًا تامًا، حتى يستريح الجهاز.

وضعية Sleep بتخلي المعلومات يلي عالرامات محفوظة وبيلزم اللاب توب بهل حالة شوية كهربا , اما وضعية Hibernate ما بتخلي شي عالرامات وبتنقل المعلومات من الرامات للهارد ديسك ضمن ملف اسمو hiberfil.sys وبيلزم اللاب توب كهربا اقل بكتير من ال Sleep Mode

بس بالوضعيتين المعالج بكون متوقف عن العمل

وفكرة (غلق الجهاز غلقا تاما حتى يستريح الجهاز) مو زابطة معي

ولمزيد من المعلومات يلي بحب يتثقف هاد شرح موقع Microsoft عن الفرق بين Hibernate & Sleep
وعلى قولة الدكتور بشار الجعفري : واقتبس

Sleep is a power-saving state that allows a computer to quickly resume full-power operation (typically within several seconds) when you want to start working again. Putting your computer into the sleep state is like pausing a DVD player—the computer immediately stops what it’s doing and is ready to start again when you want to resume working.

Hibernation is a power-saving state designed primarily for laptops. While sleep puts your work and settings in memory and draws a small amount of power, hibernation puts your open documents and programs on your hard disk, and then turns off your computer. Of all the power-saving states in Windows, hibernation uses the least amount of power. On a laptop, use hibernation when you know that you won't use your laptop for an extended period and won't have an opportunity to charge the battery during that time.

انتهى الاقتباس

[رشروشة]

رد: أخطاء شائعة تضر باللاب توب

يعني مافي حل لانو خلي البطارية تشتغل اكتر من ساعة ونص بدون شحن

والسؤال هنا يطرح نفسه
انو لازم خلي الاب توب بدون شحن والكهربا جاي ولا كيف حدا يفهمني لانو الكهربا عم تنقطع كتير

[ابو جان]

رد: أخطاء شائعة تضر باللاب توب

يعني مافي حل لانو خلي البطارية تشتغل اكتر من ساعة ونص بدون شحن

والسؤال هنا يطرح نفسه
انو لازم خلي الاب توب بدون شحن والكهربا جاي ولا كيف حدا يفهمني لانو الكهربا عم تنقطع كتير

ما مهم تخلي اللاب توب بشحن او بدون شحن لما الكهربا جاي

اذا كانت البطارية من نوع nickel-metal hydride - NiMH (اغلب البطاريات يلي كانت موجودة قبل 3 سنين) لازم تفضيها عالاخر وترجعي تشحنيها مرة عالاقل كل شهر

اما اذا كانت بطاريتك ليثيوم lithium ion batteries (البطاريات الجديدة من 3 سنين ولهلا) ما لازم تفضى عالاخر يعني 0% لهيك بالعادة اللاب توب بيفصل عال 10% , وما تخليها مشحونة 100% على طول -Batteries are made to be used, so use them


المهم هو انو تفضي البطارية كل اسبوع مثلا (لل 10-20%) وترجعي تشحنيها , وهل حكي مو بس للاب توب , هاد الحكي لجميع الاجهزة يلي بتشتغل على بطارية ممكن اعادة شحنا (rechargeable battery) لازم تفضي البطارية وتعيدي شحنا حتى تعيش اطول فترة ممكنة

[TAMAR]

رد: أخطاء شائعة تضر باللاب توب

ما مهم تخلي اللاب توب بشحن او بدون شحن لما الكهربا جاي

المهم هو انو تفضي البطارية كل يومين او 3 ايام عالاخر وترجعي تشحنيها , وهل حكي مو بس للاب توب , هاد الحكي لجميع الاجهزة يلي بتشتغل على بطارية ممكن اعادة شحنا (rechargeable battery) لازم كل كم يوم تفضي البطارية عالاخر وتعيدي شحنا حتى تعيش اطول فترة ممكنة

بس بيقولوا انو ما تخلوا البطارية تفضى عالآخر
ولحقوا اشحنوها قبل ما تفضى


وأنا صرلي دهر بشتغل على هالأساس
قولك لهيك اتوفت بطارية لابتوبي
؟؟؟؟؟؟؟؟؟؟؟؟؟؟

[ابو جان]

رد: أخطاء شائعة تضر باللاب توب

بس بيقولوا انو ما تخلوا البطارية تفضى عالآخر
ولحقوا اشحنوها قبل ما تفضى

وأنا صرلي دهر بشتغل على هالأساس
قولك لهيك اتوفت بطارية لابتوبي
؟؟؟؟؟؟؟؟؟؟؟؟؟؟

اول شي شو نوع البطارية يلي عندك ؟؟ وادي الك عم تستعمليها ؟؟

اذا كانت البطارية من نوع nickel-metal hydride - NiMH (اغلب البطاريات يلي كانت موجودة قبل 3 سنين) لازم تفضيها عالاخر وترجعي تشحنيها مرة عالاقل كل شهر

اما اذا كانت بطاريتك ليثيوم lithium ion batteries (البطاريات الجديدة من 3 سنين ولهلا) ما لازم تفضى عالاخر يعني 0% لهيك بالعادة اللاب توب بيفصل عال 10% , وما تخليها مشحونة 100% على طول -Batteries are made to be used, so use them

[TAMAR]

رد: أخطاء شائعة تضر باللاب توب

ميرسي كتير أبو جان