Tweet
درب الصليب المقدس
في هذه الأيام المقدسة
أيام الصوم
تأملات وصلوت للرب يسوع
مع إقتراب اسبوع الآلام
يا رَبّي بإرادِه حُرَّه تْحَمَّلت الأوجاع المرَّه تا تِفدي كلّ البشَر
أيام الصوم
تأملات وصلوت للرب يسوع
مع إقتراب اسبوع الآلام
يا رَبّي بإرادِه حُرَّه تْحَمَّلت الأوجاع المرَّه تا تِفدي كلّ البشَر
أوّل محطّة : يسوع يصلي في بستان الزيتون :
بنسجدلك يا يسوع وبنباركك ... لأنو بصليبك المقدس خلصت العالم
لَمّا صَلَّيت بحراره ... وحَسَّيت بْكِترِة مَراره .... عَرَقَك دمَّ انهَمَرْ
يا ربّي يسوع، بالوقت اللي عم تكتَر مشاكلنا الشخصيّة والإجتماعيّة والوطنيّة، والعالم عم يخَسِّرنا ثرواتنا، وتزيد الضغوط علينا ، كتار مِنّا نايمين، غافيين متل التلاميذ، برّات بيوتن وبرّات وطنن، ما فرقاني معن شو عم يصير، مانون فاهمين شو ناطرن.
اليوم، جايي تهزّ كلّ واحد هون، وتصرخ بوجّو وتقلّو: قوم ليش نايم، شوف شو عم يصير حواليك ، اشتغل وفَكِّر وصَلِّي، تَ تخلِّص حالك وتخلِّص أَهلَك
اليوم، جايي تهزّ كلّ واحد هون، وتصرخ بوجّو وتقلّو: قوم ليش نايم، شوف شو عم يصير حواليك ، اشتغل وفَكِّر وصَلِّي، تَ تخلِّص حالك وتخلِّص أَهلَك
.
ثاني محطّة : يسوع بيخونو يهوذا وبيكمشو :
بنسجدلك يا يسوع وبنباركك ... لأنو بصليبك المقدس خلصت العالم
الخاين قَرَّب الك.... وباسَك باعَك حتّى يْسَلِّم راسَك ... منِ النَّدَم راح انتَحَرْ
يا ربي يسوع .. بوسة يهوذا الخاين قتلتك ..بوسة الخونة بتحطم الآمال .. بهالوقت بنتذكر كل الي بيتصرفوا متل يهوذا , هالنا سالي بوجهين و لسانين , الي بيجمعوا بقلبون كل بذار الحقد و الكراهية , وبيضحكوا ع أهلن و رفقاتون ... قدام خيانة التلميذ , وخيانة الأخوة , هالناس الي ما عرفوا حقك و صراحتك ... زراع فينا الغفران و السلام ..
ثالث محطة : يسوع قدّام المجلس اللي بيحكم علَيه بالموت :
بنسجدلك يا يسوع وبنباركك ... لأنو بصليبك المقدس خلصت العالم
أَصدَرِ المجلس أَحكامو... زاغْ بأَفكارو وأوهامو ... هَيبة مَسيحو احتَقَرْ
يا ربّي يسوع، من هون بَلّشِت المؤامرة ضدَّك. المسؤولين الكبار عن الشعب غاروا مِنَّك، خافوا مِنَّك، لأنَّك إنت حَبَّيت الناس وعطيتون كلّ شي، وهنّ أخدوا من الناس. القضاء اللي استدعاك وحكم عليك هوّ فاسد، لأنّو حَكَم عليك بلا براهين ولا إثباتات، إنت البريء من أيّ تِهمة. هالعدالة الظالمة تصرَّفت بعكس عدالتَك اللي كِلاّ رحمة ورأفة.
يا ربّي يسوع، بهالوقت بفكِّر بكلّ اللي حكمو عليون الناس بالباطل، سُجَنا الرأي الحّر، قابعين بالحبس، وأملن كبير أنّو يرجَعو يدوقو طعمة الحريّة.
يا ربّي يسوع، بهالوقت بفكِّر بكلّ اللي حكمو عليون الناس بالباطل، سُجَنا الرأي الحّر، قابعين بالحبس، وأملن كبير أنّو يرجَعو يدوقو طعمة الحريّة.
رابع محطة : بطرس بينكُر يسوع :
بنسجدلك يا يسوع وبنباركك ... لأنو بصليبك المقدس خلصت العالم
عم يبكي بطرس نِكرانو ... ويندم عازَلت لسانو ... من الحسره قلبو انفطَرْ
يا ربّي يسوع، أنا سقطت، هالمرّا كمان، مع إنّو تشجَّعت ولْحِقتَك، وأنا بعرف أنَّك ما بتتركني، بَسّ هَبِّت التجربة عليّ متل العاصفة، بْرَمت وجّهي ، وابعِدت عنَّك، وإنتْ واقف، ساكت، مَوجوع. وبلحظة شِفت حالي لوحدي، راسي بالأرض، قِرفان من حالي، حامل خطيّتي بين إيديّي، مِستحي وقف قدّامَك، لأنّي نْسيتَك، وما فَكَّرت إلاّ
بحالي، وإنت ما نْسيتني، حَبَّيتني لآخر الحدود .... عطيني يا ربّ قلب متواضع، تايب، بيبكي على خطاياي ، ما بيدِّعي أبداً أنّو هوّ أحسن من غيرو، لكن هوّ ضعيف، وخاطي، وعاوز دايمًا غفرانَك..
خامس محطا : يسوع قدّام بيلاطُس
بنسجدلك يا يسوع وبنباركك ... لأنو بصليبك المقدس خلصت العالم
بنسجدلك يا يسوع وبنباركك ... لأنو بصليبك المقدس خلصت العالم
بيلاطس حَكَم تايدِينَك ... ما بيعرف قوِّة يَمينَك .... والضميرْ صابو الخَدَرْ
يا ربّي يسوع، هالسِّلطة اللي بِتفلِّت المجرمين، وبْتِقتُل الأبريا، كيف بَدّي إقبَلا؟
يا ربّي يسوع، حَرِّرني من الخبث واللامبالاة ومن تجربة غسيل إيدَيّي قدّام الظلم.
عَلَّمني أرفض المساومة مع الظالِم والكذّاب، وإرفع الصوت للدفاع عن المظلومين والموجوعين والمقهورين، تَ يصير السلام والعدالة والغفران هن القاعدة بالعالم.
يا ربّي يسوع، حَرِّرني من الخبث واللامبالاة ومن تجربة غسيل إيدَيّي قدّام الظلم.
عَلَّمني أرفض المساومة مع الظالِم والكذّاب، وإرفع الصوت للدفاع عن المظلومين والموجوعين والمقهورين، تَ يصير السلام والعدالة والغفران هن القاعدة بالعالم.
سادس محطة : جَلد يسوع وتِكليلو بالشوك
بنسجدلك يا يسوع وبنباركك ... لأنو بصليبك المقدس خلصت العالم
تْقَطَّعِت بالجَلْد نْفاسَك ... وبالأشواك تْكَلَّل راسَك ... الفِكر بيخجَل والنَظَرْ
تْقَطَّعِت بالجَلْد نْفاسَك ... وبالأشواك تْكَلَّل راسَك ... الفِكر بيخجَل والنَظَرْ
يا ربّي يسوع، إنتْ المَلِك الحقيقي، بسَّ الناس تْمَسخرو عْلَيك، وكَلَّلوك، مِش تَ يِعبَدوك، لكن تَ يْذِلّوك. نِحنا كمان منتأَلَّم معَك، بسبب عَمى الناس، ورَفضون رسالة الخلاص. مملِكتَك مَنّا من هالعالم، بَسّ الناس بتركض ورا السطة والنجاح والغنى: ورا عالَم ما في عذاب، وكِلّو راحة ورفاهيّي بَسّ إنت تعَذَّبتْ كِرمالنا، وعَلَّمتنا أنّو السلطة هيّي خِدمة وتضحية..
سابع محطة : يسوع بيحمل صليبو عَ كتافو
بنسجدلك يا يسوع وبنباركك ... لأنو بصليبك المقدس خلصت العالم
دَربَك شو كانِت طَويلِه ... وعا كِتفَك في خَشبِه تْقيلي .... وقَلبَك خالي مْنِ الكَدَرْ
بنسجدلك يا يسوع وبنباركك ... لأنو بصليبك المقدس خلصت العالم
دَربَك شو كانِت طَويلِه ... وعا كِتفَك في خَشبِه تْقيلي .... وقَلبَك خالي مْنِ الكَدَرْ
يا ربّي يسوع، إنت حْمِلت صليب كلّ واحد مِنّا، وحمِلت خطايا كل واحد مِنّا. وقبِلت تموت مَوتة شْنيعة، مع إنّو أبوك عطاك المجد والسلطان كِلّو. إنتْ عرِفت أنّو الصليب هوّ الطريقة الوحيدة لتخلصنا من خطيّتنا. عطينا يا ربّ القوّة والشجاعة حتى نصبر عَ صليبنا اليومي، مَلّينا من روح الخدمة والتضحية، ت نِبعُد عنّا كلّ سِلطة ومجد، ونكون أداة تضامن وسلام بين الناس
.
ثامن محطا: يسوع بيساعدو سمعان الليبي بحمل الصليب
بنسجدلك يا يسوع وبنباركك ... لأنو بصليبك المقدس خلصت العالم
بنسجدلك يا يسوع وبنباركك ... لأنو بصليبك المقدس خلصت العالم
ساعَدَك سِمعان نِيّالو .... والصليب حِمِل أتقالو ..... يِجبر خاطِر انكَسَرْ
يا ربّي يسوع، سمعان راجع من شِغلو، وبيطلع قدّامو موكب غريب: ناس وعسكر، ونسوان عم تِبكي، وأصوليين عم يصرّخو ويْسِبّو، ورجّال تعبان بالكاد حامل صليبو. العسكر عم يفتشو ع واحد يحمل عنّو الصليب، مش لأنّو شِفقو عليه، بَسّ لأنّو بدوّن يوصلو بكّير، ويخلّصو شغلتون بكّير. نيّالو سمعان ، حِمِل صليبَك، وكان أوّل مين طَبَّق كلامَك لَمّا قِلت: من أراد أن يتبعني فليحمل صليبه ويتبعني.
تاسع محطة : يسوع بيلتقي بنسوان أورشليم
بنسجدلك يا يسوع وبنباركك ... لأنو بصليبك المقدس خلصت العالم
بنسجدلك يا يسوع وبنباركك ... لأنو بصليبك المقدس خلصت العالم
لا تِبكوا وتِحزَنوا عْلَي ... بْكوا عا وْقوعْكوُن بالخطيِّة ....مْنِ الصليب خِدوا العِبَرْ
يا ربّي يسوع، كلّنا عودان يابسة، بتنقصا الحياة، لأنّو الخطيئة قَسِّت قلوبنا، وعِمْلِت مِنا قلوب مِن حجر. حضورَك بيعَزّينا، وبحِطّ فينا الروح، بِتدِبّ فينا الماويّة، وبتحوِّلنا لعودان خَضرا، بتَعطي ثمار جديدة . اذكر اليوم يا ربّ مدينة أورشليم، بنسوانا ورجالا، وساعدا تَ تعيش بسلام.
عاشر محطة: يسوع مْسَمَّر عَ الصليب
بنسجدلك يا يسوع وبنباركك ... لأنو بصليبك المقدس خلصت العالم
عالصليب إيدَيك مَمدودة ...وصوب الآب أفكار مَشدودة ...... وقلب من الحِبِّ انعَصَر
يا ربّي يسوع، بِتْرَجّاك، كرمال كلّ هالعذابات، كرمال كلّ هالجروحات، كرمالي أنا وكرمال كلّ إخوتي اللي معي بهالكنيسة، عَلِّمني الحبّ.
يا ابني ، الحِبّ مِش هَيِّن، الحِبّ هوّ لقاء، لقاء ما بيصير إلاّ إذا طْلِعت من حالك وفْتَكت إيديك وقلبك لغيرَك. الحِبّ هوّ شِركة، ما بتصير إلاّ أذا نْسيت حالَك وضَحَّيت كرمال غَيرك. الحِبّ هوّ الألم، الحِبّ هوّ الصَلب، هوّ أنَّك تِصلب حالك كرمال غيرَك.
يا ابني ، الحِبّ مِش هَيِّن، الحِبّ هوّ لقاء، لقاء ما بيصير إلاّ إذا طْلِعت من حالك وفْتَكت إيديك وقلبك لغيرَك. الحِبّ هوّ شِركة، ما بتصير إلاّ أذا نْسيت حالَك وضَحَّيت كرمال غَيرك. الحِبّ هوّ الألم، الحِبّ هوّ الصَلب، هوّ أنَّك تِصلب حالك كرمال غيرَك.
المحطة 11 : يسوع بيوعد اللصّ التايب بالملكوت
بنسجدلك يا يسوع وبنباركك ... لأنو بصليبك المقدس خلصت العالم
بنسجدلك يا يسوع وبنباركك ... لأنو بصليبك المقدس خلصت العالم
يا ربّي ارحَمني واذكرني ... من خطايايي حَرِّرني ... اغفرلي للي ما بيِنغَفَرْ
يا ربّي يسوع، هادا أنا قِدّامَك، قِلتلَّك نعم، بعد ما تْعِبت كتير، وارتخا جسمي، وتطَلَّعت فيّي، نظرة الحِبّ. ما أَعظمَك يا ربّ، قدّامَك بتنحني كلّ الكون، قدّام نار حبَّك بتدوب عواطف الإنسان وأفكارو، متل الشمعة بوجّه الشمس، ما بِتهمّني راحتي، ولا بِتهمّني حياتي، مَنّي مِشتاق لْحدا إلاّ إلَك، ما بْريد حدا إلاّ إنتْ.
المحطة 12: يسوع عَ الصليب بيسلِّم إمّو لَ يوحنا
بنسجدلك يا يسوع وبنباركك ... لأنو بصليبك المقدس خلصت العالم
يوحنّا واقِف مع أمَّك ... عالصليب حَمَّلتوُن هَمَّك ... ولادا كِلّنا منُعتَبَر
يا ربّي يسوع، إنتْ الوسيط الوحيد بين أبوك والناس. وتَ أوصَل الك، مين إلي أحسن من إمَّك مريم، اللي شاركتك بالصَّليب، وشاركت بالتعويض والتكفير.
يا مريم العدرا، إنتِ اللي تأمَّلتِ بقلبِك، من الأوّل، كلّ هالأمور، جيتي هَلَّق قَدَّمتي إبنِك الوحيد لخلاص العالم. ولا مَرّا عَلَّمتيني العصيان والتمرّد، علَّمتيني الطاعة، أوّل طريق الفدا والخلاص.
يا مريم العدرا، إنتِ اللي تأمَّلتِ بقلبِك، من الأوّل، كلّ هالأمور، جيتي هَلَّق قَدَّمتي إبنِك الوحيد لخلاص العالم. ولا مَرّا عَلَّمتيني العصيان والتمرّد، علَّمتيني الطاعة، أوّل طريق الفدا والخلاص.
المحطا 13: يسوع بيموت عَ الصليب وبيِطعَنو بالحربي
بنسجدلك يا يسوع وبنباركك ... لأنو بصليبك المقدس خلصت العالم
الدنية غِرقانة بِعارا ... عا موتَك غابِت أنوارا ... وانخَجَل ضوّ القَمَر
يا ربنا يسوع المسيح يا من بمحبة جديدة ارتضيت أن تفيض على كنيستك خيرات قلبك الإلهية , امنحنا قوة لأن نكافئ محبة هذا القلب الأقدس و بالكرامة الواجبة نعوض عن الإهانات التي يفعلها جاحدوا معروف هذا القلب الحزين .
المحطة 14: يسوع بيحطّوه بالقبر
بنسجدلك يا يسوع وبنباركك ... لأنو بصليبك المقدس خلصت العالم
حبِّة القمح اللي ماتِت خَلَّص عَذابا وارتاحت ناطرا يوم الانتصارْ
حبِّة القمح اللي ماتِت خَلَّص عَذابا وارتاحت ناطرا يوم الانتصارْ
يا ربّي يسوع، عْمِلت حالَك أصغر الناس، وتْرَكت حالك توقع عالأرض، متل حبّة القمح. كِبرت هالحَبّة، وصارت شجرة الحياة، ملت الكون كلّو. يا ربّ، نِحنا رايحين لعندك، متل النسوان اللي راحو الأحد الصبح عالقبر، حاملين طيوب حِبّنا الفقير. وإنت ناطرنا، مِش بالقبر الفاضي، لكن بالكنيسة، بالقربانة، تَ تْغَزِّينا من حِبَّك، وتَ نحنا نِنقل حِبَّك، لكلّ الناس، خصوصًا الموجوعين، والمظلومين، والمقهورين. يا ربّ يسوع، إنت الوحيد اللي غَلَب الموت، ووعدتنا أنّو نحنا كمان رَح نغلب الموت، ونِحصل عَ الحياة الأبديّة.
.gif "Icon (34)")
<<.gif "Icon (25)")
ابضاي الحارة.gif "Icon (12)")
.gif "Icon (40)")
.gif "Icon (33)")
.gif "Icon (19)")
.gif "Smily (25)")
Comment