الزواج عبر النت

[شاام]

رد: الزواج عبر النت

الموضوع كثير حلو وكنت حابة شارك
بس عصفورة حلب حكيت كل شى وناقشت الموضوع ببساطة
انا بوافقها فى كلامها

[The D.I.S]

رد: الزواج عبر النت

أول شي الحب ع نت كتيييييييير سهل .. لأن كلمة بحبك فيه بسرعة بتطلع وكتابة يعني سهل جداً كتابتا .. وانا ما بأيد الحب ع نت لانو مو صريح .. بس ممكن يكون صدائة و ازا شافو التنين بعض فيس تو فيس ممكن يتحول لحب و ازا تكررت طلعاتن وجياتن سوا و حكين مع بعض موبايل ممكن انو تتحول العلائة لبرا النت و يرتبطو ببعضن .. الشغلة كلا متعلئة بتفاهم التنين برا النت ومن برا هالشاشة مو من ورا شاشة

أول شي الحب وين ما كان بضلو حب .

أما إذا قصديك عن سهولة التعبير فالنت اسهل تعبيراً ولكن ما بيعني أنو مانو صادق

أما إذا قصديك بأن في النت الشاب يقول للفتاة بحبك بكذب وسهولة فبرأيي يلي بدو يكذب بكذب وين من كان بالنت وبرا النت .

وأكيد النت وحده ما بيعمل زواج لازم يتقابلو الشخصين لأن مافيون يتكللو بالنت

انا واثقة انو البنت ما رح ترتبط او تحب شب اصغر من عمرا

لانو انا بنظري انو دايماً البنت ما بتطلع الا ع شب يلي اكبر منا

لانو بنظري وسوري من كل الشباب .. الشب ازا ماكان فوئ الـ 25 ما بيكون مكتمل وعيو و عئلو

وانا بنسبة الي كـ صبية ازا بتحب شب ما رح حب شب اصغر مني ولو كان احسن شب بدنية كلا

هي وجهة نظريك بس لا توثقي بأنه لا يوجد بنات بتاخد شب أصغر منها
وطبعاً أنا هالشي ما بأيدو ويوفضل دائماً البنت تكون أصغر من الشب .

هلئ انا جربت الحب ع نت .. و اثبتت انــــو لو بيضل سنة بيحكيلي بحبك و بموت فيكي و مدري شو .. ما رح سدئ هالشي نهائياً لشوفو شخصي .. الحب ما بيجي عن طريئ شاشة الحب ما بيجي عن طريئ كبسة انتر او كتابة كم حرف عل مسنجر .. ازا ماكانت عيوني بعيونو و شايفتو ادامي وحدي مستحيل سدئ و اعطيه نتفة ثقة
انو ممكن يكون في اعجاب و صدائة بس حب لأ
النت ممكن انو نختار الف شخصية انو تكون نحنا بس بل حئيئة شي تاني

طبعاً تجربتيك ما بعرف شو نهايتها بس أكيد راحت بإتجاه الفشل لعدم الصدق بالتعامل
ولعدم الثقة بالشاب الذي تتعاملين معه .
يعني ما بعرف إذا كانوا عيونيك مقابيل عيونو كيف رح تصدقيه أو تكذبيه أكيد العيون بتبين شي كتير واضح بس بتبين الصدق بهالشي يعني يلي بيعرف يكذب رح يكذب حتى بعيونوا .

اولاً ازا ئدرنا مكتوب انو نشوف بعض رح نشوف بعض

وازا حبينا بعض او حسينا بهالشي اكيد رح نعمل المستحيل لحتى نلتئي ونشوف بعض

واكيد رح نحاول ئد ما فينا نفضي حالنا ونوصل لبعض ونلتئي ونشوف بعض فيس تو فيس

وبعدين اكيد انا رح حاول ئد ما فيني اني املك ئلبو و خلي يحبني و ما يطلع ع غيري

و هالشي بشطارتا للبنت انها تخلي الشب ما يحكي غيرا .. و تحسسو انها واثقة فيه مشان ازا غدر فيها تلومو و تحسسو بغلطو
واكيد الشب ازا حس بحب البنت بصدئ و شاف انو بتحبو بصدئ و واثقة فيه و عاطيتو الحنان و الامان وكل شي
اكيد مسسسسسسسستحيل يطلع ع غيرا او يحكي مع غيرا

هون أهم عامل هو الصدق والثقة بالشخص المقابل .

انا بؤمن فيه بس مش دائما يعني بحالات معينه ممكن يزبط
انا عندي ابن عمي تزوج عن طريق النت تعرف عبنت على الماسنجر و تطورت العلائة لمقابلات و و اخر شي خطبة وزواج

بس مش دائما الحب عن طريق النت بنجح
يعني نسبة الفشل فيه اكبر بكثير من نسبة النجاح

ولا دائماً الحب بأي طريقة كانت.......... يكون ناجح
النجاح غير مرتبط بالطريقة النجاح مرتبط بالتعامل والصدق بين الشخصين .

صح كلامك جوانا .. بس اكيد هالشي تحول بعض ما شافو بعض برا النت

و بما انو التئو برا النت و حكو مع بعض فيس تو فيس هادا اكيد وممكن انو تتحول علائتن

أكيد بالنهاي لازم يلتقوا برا النت هادا شي واجب حدوثه

اي اكيد برا النت هو الي خلا العلائة تتطور و تتئدم لانه بدون ميكون في لقاء وجها لوجه بعتبر انه هيك علاقة فاشلة لانه عن طريق الوجة للوجه ممكن نفهم الشخص الثاني اكثر

طبعاً بينفهم أكتر ولكن حتى بالنت في كميرا وبيلتقى الشخص وجه لوجه .

الحب على النت انا بؤول انه وهم بوهم وحب مزيف, لان كل بنت او شب بدو يحب على النت بس بدو يكسب ثقة التاني فيه , ليحقق رغباته الي بدو ياه سواء من خلال الحكي او من خلال الكاميرا او لانه بيكون ماعنده الثقة انو يعبر فيها لحبيبته او حبيبها في الواقع فبيلجأ للحب عبر النت , ويمكن بيكون التعرف من خلال النت اسهل من التعرف بالحئيئة

اما ازا بيعرفوا بعض من خلال الشغل او مدرسة وبيتلائو مع بعضهم بالوائع ممكن يكملوا هدا الحب عن طريق النت ويزيد حبهم لبعض يعني بس

مرسي للموضوع الحلو

أكيد الحب عن طريق النت مانو وهم وفكرتيك بالنسبة الي غلط .
والنت وسيلة للتعرف متل كل الوسائل متل الجامعة أو الشغل أو أو او .

اكيد حتى ممكن تنتبه لاشيا سلبية ما تعجبك
ولاشيا ايجابية تعجبك ماكانت امبينة معك عن طريئ الشاشة لانو ما بتبين
يمكن حركة ما تعجبك او أي طريئة ما بيبين ع نت
و اكيد فيس تو فيس رح يحسو ببعض اكتر و رح يتأكدو من مشاعرن تجاه بعض

هلأ الصادق بيعرف الشغلات يلي ممكن تكون بدايقو أو بدايق غيرو .
يعني مثال أنا وقت حبيت عن طريق النت
وحبيبتي صارت خطيبتي حالياً قلتلا أنو باكل الساني وانا فعلا بس اصفن بشي أو عصب بصير بعلك الساني يعني هي عادة عندي بجوز ما بتحبا بس أنا كنت صادق معها من قبل ما شوفها حتى ما تستغرب من هالحركة .

لأ هو مش بكل الاحيان بكون وهم بوهم .. احياناً هالوهم بيكون حئيئة و بيتحول لحئيئة .. مثلاً تعرفو ع بعض ع نت و ضلو مستمرين بل حكي مسنجر سنة تئريباً او اقل بعدين تحولت علائتن شوي لحكي مايك بعدين شوي شوي لحكي كام و اكيد البنت لو ما رح توثق فيه ما رح تعمل هالخطوات بعدين المرحلة شوي شوي رح تتطور لموبايل .. و ازا حسو باعجاب تجاه بعدين اكييييييد رح يعملو المستحيل لحتى يشوفو بعض و يلتئو مع بعض ليشوفو بعض فيس تو فيس .. وممكن لما يشوفو بعض تستمر علائتن وممكن يخلوها مجرد صدائة انو في شي ما عجب واحد من الطرفين بتاني عل حئيئة .. بس في كتير ئصص بعرفا لعالم بعرفن تعرفو ع بعض ع نت وتطورت لحئيئة و تجوزو و هلئ عندن ولاد وكمان بعرف عالم تعرفو ع بعض ع نت وشافو بعض وصارو صحبة كتير .. ئال ازا خليت خربت .. يعني مانو وهم بوهم .. بس كمان بتلائي ناس فعلاً بدها الحلال و الرفئة الصالحة او الحئيئي او الحب الحئيئي .. ولو هالحكي يلي عم ئولو مانو موثوق منو 100% اكيد ما رح ناقش فيه و احكي فيه .. و عالم النت متلو متل الحئيئة .. بتلائي ناس مناح و ناس عاطلين .. ناس ناويين يخربو حياة ناس و ناس ناويين يسعدو ناس ..

هادا الحكي النظامي
النت متلو متل الحقيقة مع الصادق ومتلو متل الحقيقة مع الكذاب
يلي حابب يكذب بكذب بالنت وبرات النت ويلي صادق بكون صادق بالنت وبرات النت .

هلأ صار لازم أحكي عن حالي .
أنا تعرفت على بنت بالمنتدى أول شي حبيت افكارا وحبيت صدقها و لمست الصدق لأن أنا بسأل كتير وببين معي الصادق من الكذاب .
وأنا كنت صادق معها .
وصرنا نحكي مع بعض وطبعاً أنا حبيتا قبل ما اعرف كيف شكلا بس حبيت هي تعرف شكلي لحتى ما غشها وقلتلا عن كلشي فيي سيء وبجوز ضخمت شوي السيء فيي
طبعاً انا عايش بأبو ظبي وهي بالشام .
وقبل ما انزل كنا متفقين على الخطبة وبس نزلت وشفتها حبيتا أكتر وخطبنا وانشالله رح نتزوج .
وللعلم فقط أنو انا كنت معارض لفكرة الحب عن طريق النت ولكن بعد ما تعرفت على كتير عالم بالمنتدى وشفتون صادقين بكلشي تأكدت أنو النت متلو متل الحقيقة .

وشكرا لأنس وسوف على الموضوع وللكل على الردود ولا تواخذوني