Tweet
[b]الشخص الخفيف الدم اللي بيسلي القعدة
وعادة بيكون لسانه زفر شوي ، ومسموحله يحكي شو ما بده ، طول ما هوه عم بيضحـّـك بالبشر ،، لو تشوفوا فايز نهفة بموتك ضحك ، و بيجي فايز عالقعدة نافخ ريشه ، لأنه عارف شو بينحكى وراه ، وشو ما حكى فايز الكل بيضحك ، حتى لو حكى صباح الخير
♥
كاتب العيلة أو شاعر القعدة
بيكون عادة زلمة شوي كبير بالعمر ، من اللي بيعرفوا شو يعني كتب وقراءة ، الزغار بيشوفوه ممل لأنهم مش فاهمين شو بيحكي ، والكبار بيقعدوا حواليه متظاهرين إنهم مهتمين و مبسوطين
♥
نمّامة العيلة
وهاي عادة بتكون مطلقة مثل امونة ، ما بعرف ليش ما تسألوني ، هاي اللي عندها الأخبار دايما ، وأخبارها لازم تشيل نصها وتصدق نص اللي شلته عشان توصل للحقيقة ، بتبهر وبتفلفل على خاطرها ، وبتضيف من عندها ، بيحبوها النسوان وبيكرهوها ، وبنفس الوقت بخافوا منها ، بتحس هيه بأهميتها لما حدا يسألها شو الأخبار ، وبتفرد حالها وبتبلش تذيع ، وبالآخر بتقولك : بالله ما تجيبي سيرة إني قلتلك ، أنا شو خصني بتعرفيني بمشي الحيط الحيط وبقول يا رب السترة
♥
غنية العيلة
كل عيلة فيها واحد بيكون أغنى من الكل ، وبكل عيلة بتكون مرته مركز نظر النساوين ، شو لبست ووين راحت و شو عملت ، وبتكون نافشة حالها متل الطاووس ، بتحكي من طرف مناخيرها ، وبتقعد عطرف الكرسي كأنها قرفانة ، وإذا بتضيـّـفها إشي إما بترفضه أو بتاخده بس ما بتاكله ع أساس إنها شبعانة ببيتها ، كلامها وأحاديثها لا تتعدى شو شترت، وشو وزعت ، وقديش بتعطي مصروف لاولادها ، يعني كمان شوي بتحس انها امبراطورةا
♥
مصرف العيلة
بيقولك كل عيلة مثل الحمام إله مصرف (مش بنك بلاعة قصدي) ، ومصرف العيلة هوه الشخص اللي بيجيب العار للعيلة بعمايله السودا ، بيستعروا منه ، بس بنفس الوقت بخافوا منه لأنه بايعها ومش فارقة معه ، بيكون عادة صحبه مع كل همل القرية اللي بيشوف فيهم مصدر هام للمساندة وقت الحاجة
♥
كبير العيلة
وهذا اللي بدك تسد بوزك وتسمعه وهوه بيعيد القصة 100 مرة ، بحكيلك قصص أيام الحصيدة والثلجة الكبيرة ، ولما كان بالجيش ، نص قصصه كذب بكذب ؟ كان رح يشتري نص حوران بس كرموا حال بينو وبين هالشي ،
♥
عزابي العيلة
أو النسونجي ، بيكون حليوة ( نسبيا طبعا ) ، وبس يزور حدا من القرايب عندهم بنات ، بينضبوا وبيصيروا يبصبصوا عليه من بعيد ، وبتشتغل المسجات ، هدا بيكون عنده شوية غرور على شوية عجرفة ، بقعد وبيحط إجر على إجر ، وعادة بيصير عمرة فوق الأربعين وما تجوز ، وبضل يشتري سيارات سكودا ومواتير على أمل إنها تصيد ، بكل قعدة بحكي عن غرامياته ، وبيجتمعوا حواليه شباب العيلة ، وبيصير يورجيهم صور ومسجات ، كمان بيكون صحبه مع فايزومصرف العيلة ، وبيسهروا سوى
♥
شقفة العيلة ( جميلة العيلة )
أحلى بنت بالعيلة ، بتكون محط أنظار أولاد العم والخال ، بس هيه نظرها بعيد شوي ، بتمشي يا أرض اشتدي ما عليكي قدي ، و بتقعد مع نساوين العيلة عشان يصيروا يمدحوا جمالها ، برضو متل عزابي العيلة (النسونجي ) ما بعجبها العجب ، وبتطول لتتجوز إذا تجوزت أصلا ، ما بتكون صحبة مع بنات العيلة وبتلاقيها دايما في الأعراس بتتلقط عريس من بعيد ، من مبدأ نفسي فيه واتفو عليه
♥
دكتور العيلة
وهذا المسكين اللي ما بتهنى بقعدة ، بس يوصل لمحل بلتموا عليه ، ويما مش قادرة .. وخواصري بتوجعني .. و شوف يابا مبارح لما .. ( وبيصير يوشوش ) ... واللي بتنادي ابنها : تعال ورجي الدكتور حلقك ، هاتي معلقة يا غدير خليه يشوف حلق أخوكي ، واللي بيعرض عليه روشيتات دكاترة تانيين ، واللي بيجيبله صور أشعة ، واللي بقلوا : شوفلي ضغطي ، طبعا كل القاعدين بفحصوا ضغطهم بعده ، وكل حياته بتكون هيك ، بغض النظر إن كانت زيارة أو عرس أو حفلة ، طبعا هوه ما بيقصر ، يمكن يصير يقولك : مين الحمار اللي أعطاك هاظا الدوا .. ارميه وبكتبلك غيره
♥
كمبيوترجي العيلة
هذا طبعا يعد طفرة الكمبيوتر ، صار له أهمية كبيرة ، بالأول كان ماحد يطلع عليه وما حد يتذكروا ، وضعه متل دكتور العيلة ، وبتقول إمه: بس ييجي رامز بيزبطلكم الكمبيوتر ... والله ما في اشطر منه ... مبارح خلانا نشوف عمر دياب ، وبييجي رامز المسكين .. شوف كمبيوتر دار خالك اللعبة ما بتشتغل ، و بيجي حمودة ابن خالو ، وبيقعد يتفرج على رامز مثله الأعلى بالحياة وهوه بيشغـّـل الكمبيوتر ، وبينبهر حمودة ، وبيفهمه رامز ، إنه عشان تقدر تلعب اللعبة يا حماااااار ... لازم بالأول تشغـّـل الكومبيوتر !!
♥
طفل العيلة الموهوب
هذا اللي بكل لمة بنادوه يغني ، تعال نبيل غني لعمو أغنية إليسا ، لو تشوفو كيف بغنيها ، وطبعا في نوعين من نبيل .. في نبيل اللي ما بستحيش وبتلاقيه أقرفك وهوه بيعيد بالأغنية وإمه فرحانة فيه وكل شوي بتقول ما شاء الله كأنه ما حدا خلّف غيرها ،، أو النوع اللي بطلع روحك وإمه بتقنعه يغني .. ولك يلا ورجي عمو قديش إنتا شاطر ، وبتصير إنت بدك تخلص ، بتقوله غني حبيبي بعطيك شوكالاته ، وبيكون بجيبتك شوكالاته مفعصة من عرس قديم ، بتورجيه إياها كنوع من الإغراء ، وفي حالة كان دكتور العيلة قاعد ، بيجي التهديد المباشر: إزا ما بتغني الدكتور بضربك إبرة ، بتلاقيه صار يغني ونص أصابيعه بتمه ، وبتصير إمه تعطي أعذار ، وبتعصب
عليه .. عاد بالبيت طول نهارك تغني .. روح إنَقلع من وجهي
وعادة بيكون لسانه زفر شوي ، ومسموحله يحكي شو ما بده ، طول ما هوه عم بيضحـّـك بالبشر ،، لو تشوفوا فايز نهفة بموتك ضحك ، و بيجي فايز عالقعدة نافخ ريشه ، لأنه عارف شو بينحكى وراه ، وشو ما حكى فايز الكل بيضحك ، حتى لو حكى صباح الخير
♥
كاتب العيلة أو شاعر القعدة
بيكون عادة زلمة شوي كبير بالعمر ، من اللي بيعرفوا شو يعني كتب وقراءة ، الزغار بيشوفوه ممل لأنهم مش فاهمين شو بيحكي ، والكبار بيقعدوا حواليه متظاهرين إنهم مهتمين و مبسوطين
♥
نمّامة العيلة
وهاي عادة بتكون مطلقة مثل امونة ، ما بعرف ليش ما تسألوني ، هاي اللي عندها الأخبار دايما ، وأخبارها لازم تشيل نصها وتصدق نص اللي شلته عشان توصل للحقيقة ، بتبهر وبتفلفل على خاطرها ، وبتضيف من عندها ، بيحبوها النسوان وبيكرهوها ، وبنفس الوقت بخافوا منها ، بتحس هيه بأهميتها لما حدا يسألها شو الأخبار ، وبتفرد حالها وبتبلش تذيع ، وبالآخر بتقولك : بالله ما تجيبي سيرة إني قلتلك ، أنا شو خصني بتعرفيني بمشي الحيط الحيط وبقول يا رب السترة
♥
غنية العيلة
كل عيلة فيها واحد بيكون أغنى من الكل ، وبكل عيلة بتكون مرته مركز نظر النساوين ، شو لبست ووين راحت و شو عملت ، وبتكون نافشة حالها متل الطاووس ، بتحكي من طرف مناخيرها ، وبتقعد عطرف الكرسي كأنها قرفانة ، وإذا بتضيـّـفها إشي إما بترفضه أو بتاخده بس ما بتاكله ع أساس إنها شبعانة ببيتها ، كلامها وأحاديثها لا تتعدى شو شترت، وشو وزعت ، وقديش بتعطي مصروف لاولادها ، يعني كمان شوي بتحس انها امبراطورةا
♥
مصرف العيلة
بيقولك كل عيلة مثل الحمام إله مصرف (مش بنك بلاعة قصدي) ، ومصرف العيلة هوه الشخص اللي بيجيب العار للعيلة بعمايله السودا ، بيستعروا منه ، بس بنفس الوقت بخافوا منه لأنه بايعها ومش فارقة معه ، بيكون عادة صحبه مع كل همل القرية اللي بيشوف فيهم مصدر هام للمساندة وقت الحاجة
♥
كبير العيلة
وهذا اللي بدك تسد بوزك وتسمعه وهوه بيعيد القصة 100 مرة ، بحكيلك قصص أيام الحصيدة والثلجة الكبيرة ، ولما كان بالجيش ، نص قصصه كذب بكذب ؟ كان رح يشتري نص حوران بس كرموا حال بينو وبين هالشي ،
♥
عزابي العيلة
أو النسونجي ، بيكون حليوة ( نسبيا طبعا ) ، وبس يزور حدا من القرايب عندهم بنات ، بينضبوا وبيصيروا يبصبصوا عليه من بعيد ، وبتشتغل المسجات ، هدا بيكون عنده شوية غرور على شوية عجرفة ، بقعد وبيحط إجر على إجر ، وعادة بيصير عمرة فوق الأربعين وما تجوز ، وبضل يشتري سيارات سكودا ومواتير على أمل إنها تصيد ، بكل قعدة بحكي عن غرامياته ، وبيجتمعوا حواليه شباب العيلة ، وبيصير يورجيهم صور ومسجات ، كمان بيكون صحبه مع فايزومصرف العيلة ، وبيسهروا سوى
♥
شقفة العيلة ( جميلة العيلة )
أحلى بنت بالعيلة ، بتكون محط أنظار أولاد العم والخال ، بس هيه نظرها بعيد شوي ، بتمشي يا أرض اشتدي ما عليكي قدي ، و بتقعد مع نساوين العيلة عشان يصيروا يمدحوا جمالها ، برضو متل عزابي العيلة (النسونجي ) ما بعجبها العجب ، وبتطول لتتجوز إذا تجوزت أصلا ، ما بتكون صحبة مع بنات العيلة وبتلاقيها دايما في الأعراس بتتلقط عريس من بعيد ، من مبدأ نفسي فيه واتفو عليه
♥
دكتور العيلة
وهذا المسكين اللي ما بتهنى بقعدة ، بس يوصل لمحل بلتموا عليه ، ويما مش قادرة .. وخواصري بتوجعني .. و شوف يابا مبارح لما .. ( وبيصير يوشوش ) ... واللي بتنادي ابنها : تعال ورجي الدكتور حلقك ، هاتي معلقة يا غدير خليه يشوف حلق أخوكي ، واللي بيعرض عليه روشيتات دكاترة تانيين ، واللي بيجيبله صور أشعة ، واللي بقلوا : شوفلي ضغطي ، طبعا كل القاعدين بفحصوا ضغطهم بعده ، وكل حياته بتكون هيك ، بغض النظر إن كانت زيارة أو عرس أو حفلة ، طبعا هوه ما بيقصر ، يمكن يصير يقولك : مين الحمار اللي أعطاك هاظا الدوا .. ارميه وبكتبلك غيره
♥
كمبيوترجي العيلة
هذا طبعا يعد طفرة الكمبيوتر ، صار له أهمية كبيرة ، بالأول كان ماحد يطلع عليه وما حد يتذكروا ، وضعه متل دكتور العيلة ، وبتقول إمه: بس ييجي رامز بيزبطلكم الكمبيوتر ... والله ما في اشطر منه ... مبارح خلانا نشوف عمر دياب ، وبييجي رامز المسكين .. شوف كمبيوتر دار خالك اللعبة ما بتشتغل ، و بيجي حمودة ابن خالو ، وبيقعد يتفرج على رامز مثله الأعلى بالحياة وهوه بيشغـّـل الكمبيوتر ، وبينبهر حمودة ، وبيفهمه رامز ، إنه عشان تقدر تلعب اللعبة يا حماااااار ... لازم بالأول تشغـّـل الكومبيوتر !!
♥
طفل العيلة الموهوب
هذا اللي بكل لمة بنادوه يغني ، تعال نبيل غني لعمو أغنية إليسا ، لو تشوفو كيف بغنيها ، وطبعا في نوعين من نبيل .. في نبيل اللي ما بستحيش وبتلاقيه أقرفك وهوه بيعيد بالأغنية وإمه فرحانة فيه وكل شوي بتقول ما شاء الله كأنه ما حدا خلّف غيرها ،، أو النوع اللي بطلع روحك وإمه بتقنعه يغني .. ولك يلا ورجي عمو قديش إنتا شاطر ، وبتصير إنت بدك تخلص ، بتقوله غني حبيبي بعطيك شوكالاته ، وبيكون بجيبتك شوكالاته مفعصة من عرس قديم ، بتورجيه إياها كنوع من الإغراء ، وفي حالة كان دكتور العيلة قاعد ، بيجي التهديد المباشر: إزا ما بتغني الدكتور بضربك إبرة ، بتلاقيه صار يغني ونص أصابيعه بتمه ، وبتصير إمه تعطي أعذار ، وبتعصب
عليه .. عاد بالبيت طول نهارك تغني .. روح إنَقلع من وجهي
.gif "Icon (16)")
.gif "Smily (13)")
.gif "Icon (12)")
نورت حبيب شكلك حوراني واستفزيتك
.gif "Icon (19)")
.gif "Smily (18)")
..نسيت.gif "Smily (25)")
.gif "Icon (15)")
.gif "Icon (30)")
.gif "Icon (24)")
.gif "Icon (25)")
.gif "Icon (39)")
.gif "Icon (39)")
.gif "Smily (7)")
Comment