• If this is your first visit, be sure to check out the FAQ by clicking the link above. You may have to register before you can post: click the register link above to proceed. To start viewing messages, select the forum that you want to visit from the selection below.

Announcement

Collapse

قوانين المنتدى " التعديل الاخير 17/03/2018 "

فيكم تضلو على تواصل معنا عن طريق اللينك: www.ch-g.org

قواعد المنتدى:
التسجيل في هذا المنتدى مجاني , نحن نصر على إلتزامك بالقواعد والسياسات المفصلة أدناه.
إن مشرفي وإداريي منتدى الشباب المسيحي - سوريا بالرغم من محاولتهم منع جميع المشاركات المخالفة ، فإنه ليس بوسعهم استعراض جميع المشاركات.
وجميع المواضيع تعبر عن وجهة نظر كاتبها ولا يتحمل أي من إدارة منتدى الشباب المسيحي - سوريا أي مسؤولية عن مضامين المشاركات.
عند التسجيل بالمنتدى فإنك بحكم الموافق على عدم نشر أي مشاركة تخالف قوانين المنتدى فإن هذه القوانين وضعت لراحتكم ولصالح المنتدى، فمالكي منتدى الشباب المسيحي - سوريا لديهم حق حذف ، أو مسح ، أو تعديل ، أو إغلاق أي موضوع لأي سبب يرونه، وليسوا ملزمين بإعلانه على العام فلا يحق لك الملاحقة القانونية أو المسائلة القضائية.


المواضيع:
- تجنب استخدام حجم خط كبير (أكبر من 4) او صغير (أصغر من 2) او اختيار نوع خط رديء (سيء للقراءة).
- يمنع وضع عدد كبير من المواضيع بنفس القسم بفترة زمنية قصيرة.
- التأكد من ان الموضوع غير موجود مسبقا قبل اعتماده بالقسم و هالشي عن طريق محرك بحث المنتدى او عن طريق محرك بحث Google الخاص بالمنتدى والموجود بأسفل كل صفحة و التأكد من القسم المناسب للموضوع.
- إحترم قوانين الملكية الفكرية للأعضاء والمواقع و ذكر المصدر بنهاية الموضوع.
- مو المهم وضع 100 موضوع باليوم و انما المهم اعتماد مواضيع ذات قيمة و تجذب بقية الاعضاء و الابتعاد عن مواضيع العاب العد متل "اللي بيوصل للرقم 10 بياخد بوسة" لأنو مخالفة و رح تنحزف.
- ممنوع وضع الاعلانات التجارية من دون موافقة الادارة "خارج قسم الاعلانات".
- ممنوع وضع روابط دعائية لمواقع تانية كمان من دون موافقة الادارة "خارج قسم الاعلانات".
- لما بتشوفو موضوع بغير قسمو او فيو شي مو منيح او شي مو طبيعي , لا تردو عالموضوع او تحاورو صاحب الموضوع او تقتبسو شي من الموضوع لأنو رح يتعدل او ينحزف و انما كبسو على "التقرير بمشاركة سيئة" و نحن منتصرف.
- لما بتشوفو موضوع بقسم الشكاوي و الاقتراحات لا تردو على الموضوع الا اذا كنتو واثقين من انكم بتعرفو الحل "اذا كان الموضوع عبارة عن استفسار" , اما اذا كان الموضوع "شكوى" مافي داعي تردو لأنو ممكن تعبرو عن وجهة نظركم اللي ممكن تكون مختلفة عن توجه المنتدى مشان هيك نحن منرد.
- ممنوع وضع برامج الاختراق او المساعدة بعمليات السرقة وبشكل عام الـ "Hacking Programs".
- ممنوع طرح مواضيع او مشاركات مخالفة للكتاب المقدس " الانجيل " وبمعنى تاني مخالفة للايمان المسيحي.
- ممنوع طرح مواضيع او مشاركات تمس الطوائف المسيحية بأي شكل من الاشكال "مدح او ذم" والابتعاد بشكل كامل عن فتح اي نقاش يحمل صبغة طائفية.
- ضمن منتدى " تعرفون الحق و الحق يحرركم " بالامكان طرح الاسئلة بصيغة السؤال والجواب فقط ويمنع فتح باب النقاش والحوار بما يؤدي لمهاترات وافتراض اجوبة مسبقة.


عناوين المواضيع:
- عنوان الموضوع لازم يعبر عن محتوى الموضوع و يفي بالمحتوى و ما لازم يكون متل هيك "الكل يفوت , تعوا بسرعة , جديد جديد , صور حلوة , الخ ....".
- لازم العنوان يكون مكتوب بطريقة واضحة بدون اي اضافات او حركات متل "(((((((((العنوان)))))))))))) , $$$$$$$$$ العنوان $$$$$$$$$".
- عنوان الموضوع ما لازم يحتوي على اي مدات متل "الــعــنـــوان" و انما لازم يكون هيك "العنوان".


المشاركات:
- ممنوع تغيير مسار الموضوع لما بكون موضوع جدي من نقاش او حوار.
- ممنوع فتح احاديث جانبية ضمن المواضيع وانما هالشي بتم عالبرايفت او بالدردشة.
- ممنوع استخدام الفاظ سوقية من سب او شتم او تجريح او اي الفاظ خارجة عن الزوق العام.
- ممنوع المساس بالرموز و الشخصيات الدينية او السياسية او العقائدية.
- استخدام زر "thanks" باسفل الموضوع اذا كنتو بدكم تكتبو بالمشاركة كلمة شكر فقط.
- لما بتشوفو مشاركة سيئة او مكررة او مو بمحلها او فيا شي مو منيح , لا تردو عليها او تحاورو صاحب المشاركة او تقتبسو من المشاركة لأنو رح تنحزف او تتعدل , وانما كبسو على "التقرير بمشاركة سيئة" و نحن منتصرف.


العضوية:
- ممنوع استخدام اكتر من عضوية "ممنوع التسجيل بأكتر من اسم".
- ممنوع اضافة حركات او رموز لاسم العضوية متل " # , $ , () " و انما يجب استخدام حروف اللغة الانكليزية فقط.
- ممنوع اضافة المدات لاسم العضوية "الـعـضـويـة" و انما لازم تكون بهل شكل "العضوية".
- ممنوع استخدام اسماء عضويات تحتوي على الفاظ سوقية او الفاظ بزيئة.
- ممنوع وضع صورة رمزية او صورة ملف شخصي او صور الالبوم خادشة للحياء او الزوق العام.
- التواقيع لازم تكون باللغة العربية او الانكليزية حصرا و يمنع وضع اي عبارة بلغة اخرى.
- ما لازم يحتوي التوقيع على خطوط كتيرة او فواصل او المبالغة بحجم خط التوقيع و السمايليات او المبالغة بمقدار الانتقال الشاقولي في التوقيع "يعني عدم ترك سطور فاضية بالتوقيع و عدم تجاوز 5 سطور بحجم خط 3".
- ما لازم يحتوي التوقيع على لينكات "روابط " دعائية , او لمواقع تانية او لينك لصورة او موضوع بمنتدى اخر او ايميل او اي نوع من اللينكات , ما عدا لينكات مواضيع المنتدى.
- تعبئة كامل حقول الملف الشخصي و هالشي بساعد بقية الاعضاء على معرفة بعض اكتر و التقرب من بعض اكتر "ما لم يكن هناك سبب وجيه لمنع ذلك".
- فيكم تطلبو تغيير اسم العضوية لمرة واحدة فقط وبعد ستة اشهر على تسجيلكم بالمنتدى , او يكون صار عندكم 1000 مشاركة , ومن شروط تغيير الاسم انو ما يكون مخالف لشروط التسجيل "قوانين المنتدى" و انو الاسم الجديد ما يكون مأخود من قبل عضو تاني , و انو تحطو بتوقيعكم لمدة اسبوع على الاقل "فلان سابقا".
- يمنع انتحال شخصيات الآخرين أو مناصبهم من خلال الأسماء أو الصور الرمزية أو الصور الشخصية أو ضمن محتوى التوقيع أو عن طريق الرسائل الخاصة فهذا يعتبر وسيلة من وسائل الإحتيال.


الرسائل الخاصة:
الرسائل الخاصة مراقبة مع احترام خصوصيتا وذلك بعدم نشرها على العام في حال وصلكم رسالة خاصة سيئة فيكم تكبسو على زر "تقرير برسالة خاصة" ولا يتم طرح الشكوى عالعام "متل انو توصلكم رسالة خاصة تحتوي على روابط دعائية لمنتجات او مواقع او منتديات او بتحتوي على الفاظ نابية من سب او شتم او تجريح".
لما بتوصلكم رسائل خاصة مزعجة و انما ما فيها لا سب ولا شتم ولا تجريح ولا روابط دعائية و انما عم يدايقكم شي عضو من كترة رسائلو الخاصة فيكم تحطو العضو على قائمة التجاهل و هيك ما بتوصل اي رسالة خاصة من هالعضو.
و تزكرو انو الهدف من الرسائل الخاصة هو تسهيل عملية التواصل بين الاعضاء.


السياسة:
عدم التطرق إلى سياسة الدولة الخارجية أو الداخلية أو حتى المساس بسياسات الدول الصديقة فالموقع لا يمت للسياسة بصلة ويرجى التفرقة بين سياسات الدول وسياسات الأفراد والمجتمعات وعدم التجريح أو المساس بها فالمنتدى ليس حكر على فئة معينة بل يستقبل فئات عدة.
عدم اعتماد مواضيع أو مشاركات تهدف لزعزعة سياسة الجمهورية العربية السورية أو تحاول أن تضعف الشعور القومي أو تنتقص من هيبة الدولة ومكانتها أو أن يساهم بشكل مباشر أو غير مباشر بزعزعة الأمن والاستقرار في الجمهورية العربية السورية فيحق للادارة حذف الموضوع مع ايقاف عضوية صاحب الموضوع.


المخالفات:
بسبب تنوع المخالفات و عدم امكانية حصر هالمخالفات بجدول محدد , منتبع اسلوب مخالفات بما يراه المشرف مناسب من عدد نقط و مدة المخالفة بيتراوح عدد النقط بين 1-100 نقطة , لما توصلو لل 100 بتم الحظر الاوتوماتيكي للعضو ممكن تاخدو تنبيه بـ 5 نقط مثلا على شي مخالفة , و ممكن تاخد 25 نقطة على نفس المخالفة و ممكن يوصلو لل 50 نقطة كمان و هالشي بيرجع لعدد تكرارك للمخالفة او غير مخالفة خلال فترة زمنية قصيرة.
عند تلقيك مخالفة بيظهر تحت عدد المشاركات خانة جديدة " المخالفات :" و بيوصلك رسالة خاصة عن سبب المخالفة و عدد النقط و المدة طبعا هالشي بيظهر عندكم فقط.


الهدف:
- أسرة شبابية سورية وعربية مسيحية ملؤها المحبة.
- توعية وتثقيف الشباب المسيحي.
- مناقشة مشاكل وهموم وأفكار شبابنا السوري العربي المسيحي.
- نشر التعاليم المسيحية الصحيحة وعدم الإنحياز بشكل مذهبي نحو طائفة معينة بغية النقد السيء فقط.
في بعض الأحيان كان من الممكن أن ينحني عن مسار أهدافه ليكون مشابه لغيره من المنتديات فكان العمل على عدم جعله منتدى ديني متخصص كحوار بين الطوائف , فنتيجة التجربة وعلى عدة مواقع تبين وبالشكل الأكبر عدم المنفعة المرجوة بهذا الفكر والمنحى , نعم قد نشير ونوضح لكن بغية ورغبة الفائدة لنا جميعا وبتعاون الجميع وليس بغية بدء محاورات كانت تنتهي دوما بالتجريح ومن الطرفين فضبط النفس صعب بهذه المواقف.



رح نكتب شوية ملاحظات عامة يا ريت الكل يتقيد فيها:
• ابحث عن المنتدى المناسب لك و تصفح أقسامه ومواضيعه جيداً واستوعب مضمونه وهدفه قبل ان تبادر بالمشاركة به , فهناك الكثير من المنتديات غير اللائقة على الإنترنت .وهناك منتديات متخصصة بمجالات معينة قد لا تناسبك وهناك منتديات خاصة بأناس محددين.
• إقرأ شروط التسجيل والمشاركة في المنتدى قبل التسجيل به واستوعبها جيدأ واحترمها و اتبعها حتى لا تخل بها فتقع في مشاكل مع الأعضاء ومشرفي المنتديات.
• اختر اسم مستعار يليق بك وبصفاتك الشخصية ويحمل معاني إيجابية ، وابتعد عن الأسماء السيئة والمفردات البذيئة ، فأنت في المنتدى تمثل نفسك وأخلاقك وثقافتك وبلدك ، كما أن الاسم المستعار يعطي صفاته ودلالته لصاحبه مع الوقت حيث يتأثر الإنسان به بشكل غير مباشر ودون ان يدرك ذلك.
• استخدم رمز لشخصيتك " وهو الصورة المستخدمة تحت الاسم المستعار في المنتدى " يليق بك و يعبر عن شخصيتك واحرص على ان يكون أبعاده مناسبة.
• عند اختيارك لتوقيعك احرص على اختصاره ، وأن يكون مضمونه مناسباً لشخصيتك وثقافتك.
• استخدم اللغة العربية الفصحى وابتعد عن اللهجات المحكية " اللهجة السورية مستثناة لكثرة المسلسلات السورية " لانها قد تكون مفهومة لبعض الجنسيات وغير مفهومة لجنسيات أخرى كما قد تكون لكلمة في لهجتك المحكية معنى عادي ولها معنى منافي للأخلاق أو مسيء لجنسية أخرى . كذلك فإن استخدامك للغة العربية الفصحى يسمح لزوار المنتدى وأعضائه بالعثور على المعلومات باستخدام ميزة البحث.
• استخدم المصحح اللغوي وراعي قواعد اللغة عند كتابتك في المنتديات حتى تظهر بالمظهر اللائق التي تتمناه.
• أعطي انطباع جيد عن نفسك .. فكن مهذباً لبقاً واختر كلماتك بحكمة.
• لا تكتب في المنتديات أي معلومات شخصية عنك أو عن أسرتك ، فالمنتديات مفتوحة وقد يطلع عليها الغرباء.
• أظهر مشاعرك وعواطفك باستخدام ايقونات التعبير عن المشاعر Emotion Icon's عند كتابة مواضيعك وردودك يجب ان توضح مشاعرك أثناء كتابتها ، هل سيرسلها مرحة بقصد الضحك ؟ او جادة أو حزينه ؟ فعليك توضيح مشاعرك باستخدام Emotion Icon's ،لأنك عندما تتكلم في الواقع مع احد وجها لوجه فانه يرى تعابير وجهك وحركة جسمك ويسمع نبرة صوتك فيعرف ما تقصد ان كنت تتحدث معه على سبيل المزاح أم الجد. لكن لا تفرط في استخدام أيقونات المشاعر و الخطوط الملونة و المتغيرة الحجم ، فما زاد عن حده نقص.
• إن ما تكتبه في المنتديات يبقى ما بقي الموقع على الإنترنت ، فاحرص على كل كلمة تكتبها ، فمن الممكن ان يراها معارفك وأصدقائك وأساتذتك حتى وبعد مرور فترات زمنية طويلة.
• حاول اختصار رسالتك قدر الإمكان :بحيث تكون قصيرة و مختصرة ومباشرة وواضحة وفي صلب مضمون قسم المنتدى.
• كن عالمياً : واعلم أن هناك مستخدمين للإنترنت يستخدمون برامج تصفح مختلفة وكذلك برامج بريد الكتروني متعددة ، لذا عليك ألا تستخدم خطوط غريبة بل استخدم الخطوط المعتاد استخدامها ، لأنه قد لا يتمكن القراء من قراءتها فتظهر لهم برموز وحروف غريبة.
• قم بتقديم ردود الشكر والتقدير لكل من أضاف رداً على موضوعك وأجب على أسئلتهم وتجاوب معهم بسعة صدر وترحيب.
• استخدم ميزة البحث في المنتديات لمحاولة الحصول على الإجابة قبل السؤال عن أمر معين أو طلب المساعدة من بقية الأعضاء حتى لا تكرر الأسئلة والاستفسارات والاقتراحات التى تم الإجابة عنها قبل ذلك.
• تأكد من أنك تطرح الموضوع في المنتدى المخصص له: حيث تقسم المنتديات عادة إلى عدة منتديات تشمل جميع الموضوعات التي يمكن طرحها ومناقشتها هنا، وهذا من شأنه أن يرفع من كفاءة المنتديات ويسهل عملية تصنيف وتبويب الموضوعات، ويفضل قراءة الوصف العام لكل منتدى تحت اسمه في فهرس المنتديات للتأكد من أن مشاركتك تأخذ مكانها الصحيح.
• استخدم عنوان مناسب ومميِّز لمشاركتك في حقل الموضوع. يفضل عدم استخدام عبارات عامة مثل "يرجى المساعدة" أو "طلب عاجل" أو "أنا في ورطة" الخ، ويكون ذلك بكتابة عناوين مميِّزة للموضوعات مثل "كيف استخدم أمر كذا في برنامج كذا" أو "تصدير ملفات كذا إلى كذا".
• إحترم قوانين الملكية الفكرية للأعضاء والمواقع والشركات، وعليك أن تذكر في نهاية مشاركتك عبارة "منقول عن..." إذا قمت بنقل خبر أو مشاركة معينة من أحد المواقع أو المجلات أو المنتديات المنتشرة على الإنترنت.
• إن أغلب المنتديات تكون موجهه لجمهور عام ولمناقشة قضايا تثقيفية وتعليمية . لذلك يجب ان تكون مشاركتك بطريقة تحترم مشاعر الآخرين وعدم الهجوم في النقاشات والحوارات. وأي نشر لصور أو نصوص أو وصلات مسيئة، خادشة للحياء أو خارج سياق النهج العام للموقع.
• المنتدى لم يوجد من أجل نشر الإعلانات لذا يجب عدم نشر الإعلانات أو الوصلات التي تشير إلى مواقع إعلانية لأي منتج دون إذن او إشارة إلى موقعك أو مدونتك إذا كنت تمتلك ذلك.
• عدم نشر أي مواد أو وصلات لبرامج تعرض أمن الموقع أو أمن أجهزة الأعضاء الآخرين لخطر الفيروسات أو الدودات أو أحصنة طروادة.
•ليس المهم أن تشارك بألف موضوع فى المنتدى لكن المهم أن تشارك بموضوع يقرأه الألوف،فالعبرة بالنوع وليس بالكم.
• عدم الإساءة إلى الأديان أو للشخصيات الدينية.
•عند رغبتك بإضافة صور لموضوعك في المنتدى ، احرص على ألا يكون حجمها كبير حتى لا تستغرق وقتاً طويلاً لتحميلها وأن تكون في سياق الموضوع لا خارجه عنه.
•الالتزام بالموضوع في الردود بحيث يكون النقاش في حدود الموضوع المطروح لا الشخص، وعدم التفرع لغيره أو الخروج عنه أو الدخول في موضوعات أخرى حتى لا يخرج النقاش عن طوره.
• البعد عن الجدال العقيم والحوار الغير مجدي والإساءة إلى أي من المشاركين ، والردود التي تخل بأصول اللياقة والاحترام.
• احترم الرأي الآخر وقدر الخلاف في الرأي بين البشر واتبع آداب الخلاف وتقبله، وأن الخلاف في الرأي لا يفسد للود قضية.
• التروي وعدم الاستعجال في الردود ، وعدم إلقاء الأقوال على عواهلها ودون تثبت، وأن تكون التعليقات بعد تفكير وتأمل في مضمون المداخله، فضلاً عن التراجع عن الخطأ؛ فالرجوع إلى الحق فضيلة. علاوة على حسن الاستماع لأقوال الطرف الآخر ، وتفهمها تفهما صحيحا.
• إياك و تجريح الجماعات أو الأفراد أو الهيئات أو الطعن فيهم شخصياً أو مهنياً أو أخلاقياً، أو استخدام أي وسيلة من وسائل التخويف أو التهديد او الردع ضد أي شخص بأي شكل من الأشكال.
• يمنع انتحال شخصيات الآخرين أو مناصبهم من خلال الأسماء أو الصور الرمزية أو الصور الشخصية أو ضمن محتوى التوقيع أو عن طريق الرسائل الخاصة فهذا يعتبر وسيلة من وسائل الإحتيال.
• إذا لاحظت وجود خلل في صفحة أو رابط ما أو إساءة من أحد الأعضاء فيجب إخطار مدير الموقع أو المشرف المختص على الفور لأخذ التدابير اللازمة وذلك بإرسال رسالة خاصة له.
• فريق الإشراف يعمل على مراقبة المواضيع وتطوير الموقع بشكل يومي، لذا يجب على المشاركين عدم التصرف "كمشرفين" في حال ملاحظتهم لخلل أو إساءة في الموقع وتنبيه أحد أعضاء فريق الإشراف فوراً.
See more
See less

مامعنى الموت - ماذا يحدث للأنسان بعد ثانية من موته

Collapse
X
 
  • Filter
  • Time
  • Show
Clear All
new posts

  • #41
    رد: مامعنى الموت - ماذا يحدث للأنسان بعد ثانية من موته

    Originally posted by jooojo View Post
    تكرمي باربي الأمورة ..




    عندك هالموضوعين .. اضغطي على العنوان بيفتح كل واحد :



    بالموضوع التاني .. موضوع المطهر موجود بالمشاركة رقم 30 ..


    حقا كما قال الجامعة في الأصحاح 2 و الآية 18

    (لأن كثرة الحكمة تقترن بكثرة الغم, ومن يزداد علما يزداد حزنا!)


    الأخ جوجو بحب قلك اني اهتميت بالروابط القيمة يلي عطيتني هي و ضليت حوالي 3 ساعات اقرأ و راجع الآيات الكتابية و من دون مبالغة صدقا تسرب الحزن لنفسي و انا أكتشف اسباب الخلاف الحقيقي!

    و بحب علق على عقيدة المطهر يلي بدت لي ركيكة في مضمونها و ساذجة في الشواهد الكتابية يلي مرتكزة عليها

    التالي:

    يوحنا 19: 30

    فلما ذاق يسوع الخل, قال: ((قد أكمل)) ثم نكس رأسه و أسلم الروح!

    يبدو ان يسوعنا لم يدفع الحساب كاملا عنا, و لذلك استوجب على المسيحي بحسب عقيدة المطهر ان يمر بهذه المرحلة!

    حاشا و كلا لست اقبل بهذا الكلام و اصلي ان يرجع عنها الكاثوليك نهائيا!

    ارجو من كل باحث جدي ان يدخل على الروابط يلي حطها جوجو و يحكم العقل في التفاسير

    جوجو هي الك

    Comment


    • #42
      رد: مامعنى الموت - ماذا يحدث للأنسان بعد ثانية من موته

      بالنسبة للسماء الجديدة عند مجيء المسيح الثاني

      موجودة في الرؤيا و وصفها غريب جدا قال لها سور ضخم جدا, مربعة و الها 12 دعامة
      و 12 باب و الباب عبارة عن لؤلؤة.... الخ!

      يا ترى بتتخيلوا انو الباب يكون لؤلؤة؟؟؟ ( الرؤيا 21:21)

      يا ترى كيف راح ندخل منه؟

      لأ و في وصفه لأبن الأنسان 1: 16 من الرؤيا كمان

      ووجهه يتوجه بالنور كشمس الظهيرة, وكان في يده اليمنة سبعة نجوم و من فمه يخرج سيف قاطع ذو حدين!

      فيكم تتخيلوا هذا الكلام؟

      كله اشارات و رموز و خصوصي الرؤيا شو صعبة

      عل كل حال المكان الذي يخلو منه الشر و يسوع يكون فيه اكيد هو السماء!

      شكرا لكل يلي شارك في الموضوع!




      Comment


      • #43
        رد: مامعنى الموت - ماذا يحدث للأنسان بعد ثانية من موته

        Originally posted by jooojo View Post
        تكرمي باربي الأمورة ..


        عندك هالموضوعين .. اضغطي على العنوان بيفتح كل واحد :



        بالموضوع التاني .. موضوع المطهر موجود بالمشاركة رقم 30 ..


        انا شفت المكتوب بالخلافات مع الكنيسة الكاثوليكية ... لكن اعتبار الكنيسة الكاثوليكية هرطقة لخروجها عقائديا عن مبادئ الاورثودكسية برأي مهزلة
        لانو اليوم بامكان الارمن الاورثودكس والاقباط اعتبار كنيسة روسيا الاورثودكسية والروم الاورثودكس هرطقها بما انه اول المنشقين و هنالك فارق بالعقيدتين الاورثودكسيتين
        بالنسبة منع الشعب من تناول الدم ما في هيك شي... فقط عند وجود مجموعات كبيرة من المتناولين باحتفال بقداديس كبيرة لا يتم مناولة الدم... اما بالاحتفالات العادية فهم يناولون.. ثانيا الكنائس الكاثوليكية الشرقية تناول دم المسيح للشعب كله بظن فيه شوية مشاكل الكلام
        لكن الحقيقة الكاملة لم تفتقد من الكنيسة اللاتينية حتى الان حتى القول عنها هرطقة
        لكن الاورثودكسية تعتبر نفسها الاصح و ترفض اي تعاليم اخرى كانت بعد الانشقاق و عقائد...اذا هيك العقول بدها تدلها ما بصير وحدة الكنيسة ابدا
        بالنسبة لزواج الاكيلريوس كمان الشي غلط
        اول البابا الي سبق يوحنا بولس الثاني طرح الى تغير القانون الكنسي في الكنيسة الكاثوليكية لكن توفي بعد شهر من تنصيبه
        ثانيا الكنيسة الكاثولكية الشرقية فيها كهنة متزوجين و يمكن النظر الى الموارنة الروم الملكيين الكاثوليك والاقباط الكاثوليك و غيرها من الكنائس الشرقية
        فهذا وحده يبطل هذا السبب الخلافي لانه يمكن التوصل الى حل مع كنيسة روما كما توصلت الكنائس الشرقية الكاثوليكية
        الحبل بلاد دنس حتى الان يعجز الاورثودكسين بتفنيد هذه العقيدة الموثقة بظهورات والتفاسير اللاهوتية ضعيفة وتضعف موقف الكنيسة الاورثودكسية
        عبادة قلب يسوع... من يعبد الرب الابن يعبد قلب الله
        و يعبد قلب الرب يسوع المسيح
        وهذا لا يتنافى مع العقيدة المسيحية ابدا
        نيابة البابا للمسيح
        لا يمكن لاحد ان ياخذ مكان المسيح لكن البابا خليفة القديس بطرس ثانيا فكلنا نمثل المسيح على الارض وكلنا ننوب للمسيح على الارض كل مسيحي على هذه الارض يمثل السيد المسيح
        ونحن بامكاننا اظهار الصورة الحسنة و ايضا تشويه صورة المسيح
        المطهر هو بالتالي ايضا عقيدة لا ارى خطأ فيها
        لانه لا يعقل ان اكمل مليء بالخطايا و اكون مع المسيح في الفردوس دون ان اتطهر من خطاياي و العقيدة ما في اي شي غلط بنظري انا
        حلق الرأس من الامور التافة لانه الكهنة الرهبان والشعب ليس بالمظاهر ابدا
        لماذا لا تعترضون على الاقباط الاورثودكس الذي ايضا يحلقون الشعر هيدا بنظرى اتفه الاسباب
        بالنسبة لدهن الخنزير كل الناس بتاكل هذا سبب اتفه من الي قبله بصراحة
        ولبس الخواتم ما هو لاظهار انه يخدم الرب كل حياته ايضا سبب تافه جدا
        والمعمودية بالرش ايضا معمودية المهم انه يتعمد باسم الاب والالبن والروح القدس مش مهم يتعمد بالرش او بالغطس برأي اسباب تافه جدا الاسباب المذكورة اخر شي
        Dear USA, your 11/9 is our 24/7
        Yours sincerely, Palestine



        Comment


        • #44
          رد: مامعنى الموت - ماذا يحدث للأنسان بعد ثانية من موته

          أمورتنا باربي

          أول شي : شكراً لمحبتك و لموضوعيّتك ..


          حقا كما قال الجامعة في الأصحاح 2 و الآية 18
          (لأن كثرة الحكمة تقترن بكثرة الغم, ومن يزداد علما يزداد حزنا!)

          معك حق .. و القول كتييييير مناسب ..
          لأنو الواحد فعلاً لما بيبدأ يشوف عن جدّ .. بيحزن على حال المسيحيين ..
          و هالآية بتحز بنفسي :
          قد هلك شعبي من عدم المعرفة
          ( هوشع 4 : 6 )


          يبدو ان يسوعنا لم يدفع الحساب كاملا عنا, و لذلك استوجب على المسيحي بحسب عقيدة المطهر ان يمر بهذه المرحلة!

          هيّ النقطة = نظرية الكفارة في كتير ناس بتعتقد فيها .. أنا إلي رأي تاني ..
          بتقدري تشوفيه بهالموضوع : لماذا ترفض الأرثوذكسية نظرية الكفّارة
          هونيك إسمي Maximos


          ملاحظة : أنا .. بلييييييييز بدون جدالات .. أنا بحط رأيي أو معلومة و بسسسس


          مــــــواضــــيـع

          Comment


          • #45
            رد: مامعنى الموت - ماذا يحدث للأنسان بعد ثانية من موته

            انا شفت المكتوب بالخلافات مع الكنيسة الكاثوليكية ... لكن اعتبار الكنيسة الكاثوليكية هرطقة لخروجها عقائديا عن مبادئ الاورثودكسية برأي مهزلة

            الكنيسة الاورثوذكسية ما بتهرطق الكنيسة الكاثوليكية .. و رغم كل الأخطاء : 1 - العقائدية .. 2 - التاريخية .. 3 - السلوكية .. بس بتقول كنيسة رسولية .. و بالمحبة بتنحل الامور ..

            لانو اليوم بامكان الارمن الاورثودكس والاقباط اعتبار كنيسة روسيا الاورثودكسية والروم الاورثودكس هرطقها بما انه اول المنشقين و هنالك فارق بالعقيدتين الاورثودكسيتين

            شو هالحكي ولو ؟؟؟؟؟ قال نحن اول المنشقين .. مو هنة هاها .. نحن ما انشقينا ابدا ً .. كلو انشق عنا .. و عفكرة .. بين الاورثوذكس و اللاخلقيدونيين طلع الخلاف لفظي .. قريت منيح عن هالشغلة بسألتني فأجبتك كاتبين عن كلمة طبيعة و اقنوم و هيك .. و ان كان الاختلاف انو عندن النص مانو اضح و فيه نوع من الغموض بينما عنا واضح أكتر


            بالنسبة منع الشعب من تناول الدم ما في هيك شي... فقط عند وجود مجموعات كبيرة من المتناولين باحتفال بقداديس كبيرة لا يتم مناولة الدم... اما بالاحتفالات العادية فهم يناولون.. ثانيا الكنائس الكاثوليكية الشرقية تناول دم المسيح للشعب كله بظن فيه شوية مشاكل الكلام

            الروم الكاتوليك بناولوا عادي متلنا (المقصود جسد و دم ) .. بس بعرف انو غيرن بس بيعطوا البرشانة

            لكن الحقيقة الكاملة لم تفتقد من الكنيسة اللاتينية حتى الان حتى القول عنها هرطقة
            لكن الاورثودكسية تعتبر نفسها الاصح و ترفض اي تعاليم اخرى كانت بعد الانشقاق و عقائد...اذا هيك العقول بدها تدلها ما بصير وحدة الكنيسة ابدا

            انا اكيد ضد الاتهامات المتبادلة .. و احسن إذا منعرف حسنات بعض .. و بالمحبة كل شي بصير ..

            بس ( الحقيقة الكاملة ) .. بتصور من خلال حكيك انك ما عرفتي المقصود فيا .. الحقيقة الكاملة هي عقيدة وحدة على وجه الارض .. و بكل عقائد الدنيا في كتير شغلات صح و حقيقية .. بس في وحدة هي الحقيقة الكاملة .. عرفتي المقصود ؟؟

            فما بيمشي الحال يكونوا 2 مختلفين عندن الحقيقة الكاملة .

            بالنسبة لزواج الاكيلريوس كمان الشي غلط
            اول البابا الي سبق يوحنا بولس الثاني طرح الى تغير القانون الكنسي في الكنيسة الكاثوليكية لكن توفي بعد شهر من تنصيبه
            ثانيا الكنيسة الكاثولكية الشرقية فيها كهنة متزوجين و يمكن النظر الى الموارنة الروم الملكيين الكاثوليك والاقباط الكاثوليك و غيرها من الكنائس الشرقية
            فهذا وحده يبطل هذا السبب الخلافي لانه يمكن التوصل الى حل مع كنيسة روما كما توصلت الكنائس الشرقية الكاثوليكية

            هيدا المطلوب

            الحبل بلاد دنس حتى الان يعجز الاورثودكسين بتفنيد هذه العقيدة الموثقة بظهورات والتفاسير اللاهوتية ضعيفة وتضعف موقف الكنيسة الاورثودكسية

            شو الحكي ولو ؟؟ شو هالحكي ( << هي بما انك حضرتي ضيعة ضايعة ) .. انا لحالي من خلال قراءاتي المحدودة فندتا تفنيد ما فيه جدل .. أبرز ما جاء فيه :

            1 - رفض هذه العقيدة من قبل العديد من القديسين الكاثوليك و بعض أهم اللاهوتيين الكاثوليك تاريخياً .. و بهالأيام .

            2 - غريغوريوس اللاهوتي و يوحنا ذهبي الفم بحسب معجم الروحانية الكاثوليكي قالوا أنو حل عليها الروح القدس بالبشارة و طهرها .

            3 - ما في أي قول لا بالإنجيل ولا القرون الأولى بشير لأي شي حول هالعقيدة ... و لا يمكن الاعتماد على ظهورات ( لا يوجد إجماع حولها ) و حسب في الاعتراف بعقيدة كهذه .


            4 - اكتشف الكاثوليك التناقض الكبير بين "رقاد العذراء" و غيره من نتائج الخطيئة من جهة و "الحبل بلا دنس" من جهة أخرى فبدل إلغاء الأخيرة صار التهرب من الأولى .

            طبعا ً هالحكي كلو .. لسا ما حكينا بولا شي لاهوتي .. و وقتا الضربات الي بتنهي الموضوع كلو



            عبادة قلب يسوع... من يعبد الرب الابن يعبد قلب الله
            و يعبد قلب الرب يسوع المسيح
            وهذا لا يتنافى مع العقيدة المسيحية ابدا

            هي اول مرة بسمع فيا عبادة قلب يسوع .. و موضوعو لإرميا لسا ما خلص يعني لسا ما رد على هالفكرة ..

            ناطر تفنيدو إلها ..

            بس من اسما مبين التحشيش .. عذرا ً للصراحة ..

            نيابة البابا للمسيح
            لا يمكن لاحد ان ياخذ مكان المسيح لكن البابا خليفة القديس بطرس ثانيا فكلنا نمثل المسيح على الارض وكلنا ننوب للمسيح على الارض كل مسيحي على هذه الارض يمثل السيد المسيح
            ونحن بامكاننا اظهار الصورة الحسنة و ايضا تشويه صورة المسيح

            كيف يعني كل مسيحي بمثل المسيح .. يعني إذا كان في مسيحي سيء يعني المسيح تشوهت صورتو ؟؟؟

            بعدين انتي اخدتي من الموضوع العناوين .. و ما قريتي التفنيدات ..


            المطهر هو بالتالي ايضا عقيدة لا ارى خطأ فيها
            لانه لا يعقل ان اكمل مليء بالخطايا و اكون مع المسيح في الفردوس دون ان اتطهر من خطاياي و العقيدة ما في اي شي غلط بنظري انا

            راجعي الرد بالموضوع .. عجبني منو النقاط التالية :

            جاء في قرارات مجمع ترنت 1545-1563 "من قال أن الخاطىء التائب بعد قبوله نعمة التبرير في سر التوبة, تغفر له الخطايا و يترك له العقاب الأبدي بحيث لا يبقى عليه أن يفي عنها بعقاب زمني في هذه الحياة الدنيا أو في الحياة الأخرى في المطهر قبل أن يدخل ملكوت السماء فليكن محروما"

            بس ميشان تعرفي .. مين الي مهرطق التاني


            و هل ذهب اللص المصلوب الذي قال له الرب "اليوم تكون معي بالفردوس" و لعازر و كذلك زكا (لو9:19) و مفلوج كفرناحوم (مر5:2) و المرأة الخاطئة (لو48:7) الى المطهر أم لا ؟ فكنيسة روما تقول أن عمل كل واحد سيمتحن بالنار (أي نار المطهر).


            و المفاجأة التي لا يعرفها الكثيرون هي أن الكنيسة البابوية تراجع موقفها من المطهر (الليمبوس) و البابا بنيديكت السادس عشر يقول بأن المطهر مجرد فرضية نظرية !!

            طيب شي محير .. إذا فرضية نظرية .. كيف بتصير عقيدة و بيحرموا على أساسها !!!!!!

            حلق الرأس من الامور التافة لانه الكهنة الرهبان والشعب ليس بالمظاهر ابدا
            لماذا لا تعترضون على الاقباط الاورثودكس الذي ايضا يحلقون الشعر هيدا بنظرى اتفه الاسباب
            بالنسبة لدهن الخنزير كل الناس بتاكل هذا سبب اتفه من الي قبله بصراحة
            ولبس الخواتم ما هو لاظهار انه يخدم الرب كل حياته ايضا سبب تافه جدا
            والمعمودية بالرش ايضا معمودية المهم انه يتعمد باسم الاب والالبن والروح القدس مش مهم يتعمد بالرش او بالغطس برأي اسباب تافه جدا الاسباب المذكورة اخر شي

            والله شايفلك كل شي تافه

            ما تزعلي مني .. ردك واهي قدام التفنيدات الساحقة الي بالموضوع ..

            ( هالشي طبيعي لأنو نحن ماننا متعمقين بينما الموضوع دراسة متعمقة .. ) .


            بتمنى تحملي بس شوية موضوعية و حيادية .. و رح تعرفي لحالك شو الصح و شو الغلط قدام كل هالأدلة .


            محبتي
            يا فرحي .. المسيح قام .. قام منذ بدء الخلق حتى الآن




            احفظوا الأورثوذكسية نقية

            "ثم نوصيكم أيها الأخوة باسم ربنا يسوع المسيح أن تتجنبوا كل أخ يسلك بلا ترتيب وليس حسب الترتيب الذى أخذه منا" (2تس6:3).



            Comment


            • #46
              رد: مامعنى الموت - ماذا يحدث للأنسان بعد ثانية من موته

              كريستو انه انت من وين كل مرة بتطلعلي و بتنطلي هيك
              اولا انا ما قلت الاورثودكسية ليست حقيقة لكن لتكون كاملة ينقصها الكثير و انا قلتلك هالشي من اخطاء في الطقس في الصلوات....
              ثانيا بالنسبة للحبل بلا دنس كريستو و بظن انه مصرة انا على موقفي ما في شي يثبت العكس
              اما قصة تمثيل المسيح .. ما بقصد انه تتشوه صورته لانه المسيح معروف شو هو.. بس احنا كمسيحين نمثل المسيح على الارض ان كان من تعاليمة و الخ والخ ... الي مابتبع تعاليم ما فينه يكون من الاصل الا مسيحي بالاسم....
              الكنيسة ما حدا قال عن المطهر اكثر من هيك هي فرضية نظرية .. لكنها صحيحة حتى ان ثثبت العكس...مدام ما اثبتت العكس بتدلها صحيحة ...بعدين المطهر لمصلحتنا يعني ما معقول احنا يسوع المسيح يحمل كل خطايانا و احنا نكون مرتاحين و ببساطة هيك ... يعني ما في عدل بالقصة اصلا يعني واحد خاطئ و اخر لا يفوتو مع بعض الفردوس ما فيها منطق من الاوجب ان الخاطئ يدخل مطهر ليكن مستحق لان يدخل ملكوت الله ... وليس فقط لان الابن حمل الخطيئة ..
              والمؤمن بالمسيح برأي انا لا يمر بدينونة
              الكاثوليك ما اكتشفو التناقض بالنسبة للرقاد و الحبل بلا دنس لانه ما في تناقض براي المتواضع
              لما ترتقي بالايمان وتتعبد لقلب يسوع الله انت يعني سكران بعبادة الله.. لانه وصلت قلبه فهاي ما بطلعلك تتكلم عليها ابدا... محشش صح بس بعبادة الله
              في اشياء ما رديت عليها لانه انت بتعرف جوابي
              وبرجع بقلك الكنيسة اللاتينية تناول الدم لكن في احتفالات صغيرة ... يعني لما قداس صغير لرعية الصغيرة ... بس مش مثلا لما يجي البابا و عندك 40 الف بالقداس بدك تناولهم كلهم دم
              وفينك تلاحظ هالشي...
              وان كان سبب الخلاف الاول هو تافة جدا لا اتراجع عنه
              لانه السبب الاول للانشقاق قبل وجود عقائد هو سياسة بالنسبة للاخطاء السلوكية والتاريخية ... الكنيسة مانها معصومة عن الخطأ اقصد الرئاسة الروحية فيها مانها معصومة عن الخطأ من ناحية قيادة الناس... و لقلك اياها الفترة الصليبية نقطة سوداء في الكنيسة الكاثوليكية
              دخلك سؤال يعني
              المحبة عندك كيف...؟؟
              لما تغفر لمن اساء الك او لما تعاملة بفوقية و تقول الله بحاسبه؟؟

              عم دور عكلمة محبتي لقيتها
              انت ما في داعي تكتب محبتي لاني بعرف شو جوانا عند كريستو و انت بتعرف شو كريستو عندي
              فمحبتي كمان
              Dear USA, your 11/9 is our 24/7
              Yours sincerely, Palestine



              Comment


              • #47
                رد: مامعنى الموت - ماذا يحدث للأنسان بعد ثانية من موته

                كريستو انه انت من وين كل مرة بتطلعلي و بتنطلي هيك

                رح ضل نطلك .. لأنو عم بحكي حقائق .

                اولا انا ما قلت الاورثودكسية ليست حقيقة لكن لتكون كاملة ينقصها الكثير و انا قلتلك هالشي من اخطاء في الطقس في الصلوات....

                لا هي الحقيقة الكاملة .. و مو ناقصا شي .. ( ميشان هي الشغلة الي قلتيا إذا اغفر لهم ولا حوسبوا حسب أعمالهم .. من اقوال قديسينكن متل اغسطينوس و توما الاكويني انو اليهود بيحملوا ذنب قتل المسيح و ما فينا نبرأو منه متل ما عملت الفاتيكان .. لهيك الصلاة صح ) .

                ثانيا بالنسبة للحبل بلا دنس كريستو و بظن انه مصرة انا على موقفي ما في شي يثبت العكس

                اي مشكلتك إذا مانك حابة تتقبلي الحقيقة .. بس لو كان عندك ذرة حيادية + في البشارة حل عليها الروح القدس و طهرها ( بحسب المعجم الكاتوليكي ) = الحبل بلا دنس كلا حكي فاضي .

                اما قصة تمثيل المسيح .. ما بقصد انه تتشوه صورته لانه المسيح معروف شو هو.. بس احنا كمسيحين نمثل المسيح على الارض ان كان من تعاليمة و الخ والخ ... الي مابتبع تعاليم ما فينه يكون من الاصل الا مسيحي بالاسم....

                نحن مناخدوا قدوة .. بس ما عنا قدرة نمثلو .. اعظم بكتير من انو يتمثل .

                الكنيسة ما حدا قال عن المطهر اكثر من هيك هي فرضية نظرية ..

                بعتذر كتير عن هالتشبيه .. بس واقعي .. الثوب البالي اد ما رقعناه .. بضل بالي و بدو تغيير ..

                يعني كيف فرضية نظرية و بنفس الوقت منشوف :

                جاء في قرارات مجمع ترنت 1545-1563 "من قال أن الخاطىء التائب بعد قبوله نعمة التبرير في سر التوبة, تغفر له الخطايا و يترك له العقاب الأبدي بحيث لا يبقى عليه أن يفي عنها بعقاب زمني في هذه الحياة الدنيا أو في الحياة الأخرى في المطهر قبل أن يدخل ملكوت السماء فليكن محروما"

                يعني عقيدة .. و بيتعاقب الانسان على اساسها بالحرمان الكنسي ..
                لا تحاولي ترقعي .. بترجاكي بس شوية حيادية ..



                لكنها صحيحة حتى ان ثثبت العكس...مدام ما اثبتت العكس بتدلها صحيحة ...بعدين المطهر لمصلحتنا يعني ما معقول احنا يسوع المسيح يحمل كل خطايانا و احنا نكون مرتاحين و ببساطة هيك ... يعني ما في عدل بالقصة اصلا يعني واحد خاطئ و اخر لا يفوتو مع بعض الفردوس ما فيها منطق من الاوجب ان الخاطئ يدخل مطهر ليكن مستحق لان يدخل ملكوت الله ... وليس فقط لان الابن حمل الخطيئة ..

                هلأ بدي منك تختاري احتمال :
                1 - ما حدا بفوت عالعذاب الأبدي .. الإنسان السيء بمر بالمطهر .. بس بعدين عالملكوت .

                2 - إذا انسان صالح بس عندو شوية خطايا .. بكفر عناها بالمطهر و بعدين عالملكوت .

                طيب إذا اخترتي الأول .. وقتا المصيبة العظيمة ..

                أما إذا اخترتي التاني .. فالمسيح هو الي فندو من خلال مثل الحقل الي جاب عمال يشتغلوا فيه .

                والمؤمن بالمسيح برأي انا لا يمر بدينونة

                كلو رح يتحاكم .. الصالحين رح يقلن : (( كنت ُ جائعا ً فأطعمتموني .. إلخ )) .

                الكاثوليك ما اكتشفو التناقض بالنسبة للرقاد و الحبل بلا دنس لانه ما في تناقض براي المتواضع

                انا برأيي المتواضع في تناقض رهيب .. يعني الموت أورثوذكسيا ً نتيجة للخطيئة ... و كاثوليكيا ً عقابا ً على الخطيئة .. طيب خلينا هلأ بالمجال الكاتوليكي ..

                الموت عقابا ً على الخطيئة .. العذراء إما تعاقبت ظلم أو ما ماتت ..

                لهيك التناقض بـ ( تعاقبت ظلم ) .. حاولوا يرقعوه و يتهربوا منو .. فما وضح البابا إذا ماتت او لأ .. بس قال رفعها لعندو .

                لما ترتقي بالايمان وتتعبد لقلب يسوع الله انت يعني سكران بعبادة الله.. لانه وصلت قلبه فهاي ما بطلعلك تتكلم عليها ابدا... محشش صح بس بعبادة الله
                في اشياء ما رديت عليها لانه انت بتعرف جوابي

                يعني مصرة انو قلب يسوع بينعبد ؟؟
                ناطر تفنيدو لنشوف .. لأني بحياتي ما قريان حولا

                وبرجع بقلك الكنيسة اللاتينية تناول الدم لكن في احتفالات صغيرة ... يعني لما قداس صغير لرعية الصغيرة ... بس مش مثلا لما يجي البابا و عندك 40 الف بالقداس بدك تناولهم كلهم دم

                اي انشالله بكونوا 200 ألف .. يا يجيبوا خوارنة تكفي العالم .. و يناولوا مناولة صحيحة .. يا إما بلا القداس كلو .. سر الافخارستيا بلا دم .. هيدا الناقص !!

                وفينك تلاحظ هالشي...
                وان كان سبب الخلاف الاول هو تافة جدا لا اتراجع عنه

                لوضحلك ليش مثلا ً المعمودية لازم تكون بالغطس و ما بصير بالرش .. او ليش الموضوع مانو تافه ..

                شوفي كيف التسليم بوضحلك انو كلو كان بالغطس ..

                منضيف عليها الآية الي بتوقيعي ..

                بيطلع انو لازم نمشي عالتسليم و نغطس .

                لانه السبب الاول للانشقاق قبل وجود عقائد هو سياسة بالنسبة للاخطاء السلوكية والتاريخية ... الكنيسة مانها معصومة عن الخطأ اقصد الرئاسة الروحية فيها مانها معصومة عن الخطأ من ناحية قيادة الناس ...

                ما حدا معصوم من أي ناحية .. و إذا حابة نتناقش بعصمة البابا اللاهوتية انا جاهز ..

                و لقلك اياها الفترة الصليبية نقطة سوداء في الكنيسة الكاثوليكية
                دخلك سؤال يعني
                المحبة عندك كيف...؟؟
                لما تغفر لمن اساء الك او لما تعاملة بفوقية و تقول الله بحاسبه؟؟

                اي .. بالتسامح .. رغم المجازر بحق الاورثوذكس وقتا .. بس نسيناها .. و ما حدا بجيب سيرتا ..

                عم دور عكلمة محبتي لقيتها
                انت ما في داعي تكتب محبتي لاني بعرف شو جوانا عند كريستو و انت بتعرف شو كريستو عندي
                فمحبتي كمان

                طيب بلاها محبتي
                يا فرحي .. المسيح قام .. قام منذ بدء الخلق حتى الآن




                احفظوا الأورثوذكسية نقية

                "ثم نوصيكم أيها الأخوة باسم ربنا يسوع المسيح أن تتجنبوا كل أخ يسلك بلا ترتيب وليس حسب الترتيب الذى أخذه منا" (2تس6:3).



                Comment

                Working...
                X