• If this is your first visit, be sure to check out the FAQ by clicking the link above. You may have to register before you can post: click the register link above to proceed. To start viewing messages, select the forum that you want to visit from the selection below.

Announcement

Collapse

قوانين المنتدى " التعديل الاخير 17/03/2018 "

فيكم تضلو على تواصل معنا عن طريق اللينك: www.ch-g.org

قواعد المنتدى:
التسجيل في هذا المنتدى مجاني , نحن نصر على إلتزامك بالقواعد والسياسات المفصلة أدناه.
إن مشرفي وإداريي منتدى الشباب المسيحي - سوريا بالرغم من محاولتهم منع جميع المشاركات المخالفة ، فإنه ليس بوسعهم استعراض جميع المشاركات.
وجميع المواضيع تعبر عن وجهة نظر كاتبها ولا يتحمل أي من إدارة منتدى الشباب المسيحي - سوريا أي مسؤولية عن مضامين المشاركات.
عند التسجيل بالمنتدى فإنك بحكم الموافق على عدم نشر أي مشاركة تخالف قوانين المنتدى فإن هذه القوانين وضعت لراحتكم ولصالح المنتدى، فمالكي منتدى الشباب المسيحي - سوريا لديهم حق حذف ، أو مسح ، أو تعديل ، أو إغلاق أي موضوع لأي سبب يرونه، وليسوا ملزمين بإعلانه على العام فلا يحق لك الملاحقة القانونية أو المسائلة القضائية.


المواضيع:
- تجنب استخدام حجم خط كبير (أكبر من 4) او صغير (أصغر من 2) او اختيار نوع خط رديء (سيء للقراءة).
- يمنع وضع عدد كبير من المواضيع بنفس القسم بفترة زمنية قصيرة.
- التأكد من ان الموضوع غير موجود مسبقا قبل اعتماده بالقسم و هالشي عن طريق محرك بحث المنتدى او عن طريق محرك بحث Google الخاص بالمنتدى والموجود بأسفل كل صفحة و التأكد من القسم المناسب للموضوع.
- إحترم قوانين الملكية الفكرية للأعضاء والمواقع و ذكر المصدر بنهاية الموضوع.
- مو المهم وضع 100 موضوع باليوم و انما المهم اعتماد مواضيع ذات قيمة و تجذب بقية الاعضاء و الابتعاد عن مواضيع العاب العد متل "اللي بيوصل للرقم 10 بياخد بوسة" لأنو مخالفة و رح تنحزف.
- ممنوع وضع الاعلانات التجارية من دون موافقة الادارة "خارج قسم الاعلانات".
- ممنوع وضع روابط دعائية لمواقع تانية كمان من دون موافقة الادارة "خارج قسم الاعلانات".
- لما بتشوفو موضوع بغير قسمو او فيو شي مو منيح او شي مو طبيعي , لا تردو عالموضوع او تحاورو صاحب الموضوع او تقتبسو شي من الموضوع لأنو رح يتعدل او ينحزف و انما كبسو على "التقرير بمشاركة سيئة" و نحن منتصرف.
- لما بتشوفو موضوع بقسم الشكاوي و الاقتراحات لا تردو على الموضوع الا اذا كنتو واثقين من انكم بتعرفو الحل "اذا كان الموضوع عبارة عن استفسار" , اما اذا كان الموضوع "شكوى" مافي داعي تردو لأنو ممكن تعبرو عن وجهة نظركم اللي ممكن تكون مختلفة عن توجه المنتدى مشان هيك نحن منرد.
- ممنوع وضع برامج الاختراق او المساعدة بعمليات السرقة وبشكل عام الـ "Hacking Programs".
- ممنوع طرح مواضيع او مشاركات مخالفة للكتاب المقدس " الانجيل " وبمعنى تاني مخالفة للايمان المسيحي.
- ممنوع طرح مواضيع او مشاركات تمس الطوائف المسيحية بأي شكل من الاشكال "مدح او ذم" والابتعاد بشكل كامل عن فتح اي نقاش يحمل صبغة طائفية.
- ضمن منتدى " تعرفون الحق و الحق يحرركم " بالامكان طرح الاسئلة بصيغة السؤال والجواب فقط ويمنع فتح باب النقاش والحوار بما يؤدي لمهاترات وافتراض اجوبة مسبقة.


عناوين المواضيع:
- عنوان الموضوع لازم يعبر عن محتوى الموضوع و يفي بالمحتوى و ما لازم يكون متل هيك "الكل يفوت , تعوا بسرعة , جديد جديد , صور حلوة , الخ ....".
- لازم العنوان يكون مكتوب بطريقة واضحة بدون اي اضافات او حركات متل "(((((((((العنوان)))))))))))) , $$$$$$$$$ العنوان $$$$$$$$$".
- عنوان الموضوع ما لازم يحتوي على اي مدات متل "الــعــنـــوان" و انما لازم يكون هيك "العنوان".


المشاركات:
- ممنوع تغيير مسار الموضوع لما بكون موضوع جدي من نقاش او حوار.
- ممنوع فتح احاديث جانبية ضمن المواضيع وانما هالشي بتم عالبرايفت او بالدردشة.
- ممنوع استخدام الفاظ سوقية من سب او شتم او تجريح او اي الفاظ خارجة عن الزوق العام.
- ممنوع المساس بالرموز و الشخصيات الدينية او السياسية او العقائدية.
- استخدام زر "thanks" باسفل الموضوع اذا كنتو بدكم تكتبو بالمشاركة كلمة شكر فقط.
- لما بتشوفو مشاركة سيئة او مكررة او مو بمحلها او فيا شي مو منيح , لا تردو عليها او تحاورو صاحب المشاركة او تقتبسو من المشاركة لأنو رح تنحزف او تتعدل , وانما كبسو على "التقرير بمشاركة سيئة" و نحن منتصرف.


العضوية:
- ممنوع استخدام اكتر من عضوية "ممنوع التسجيل بأكتر من اسم".
- ممنوع اضافة حركات او رموز لاسم العضوية متل " # , $ , () " و انما يجب استخدام حروف اللغة الانكليزية فقط.
- ممنوع اضافة المدات لاسم العضوية "الـعـضـويـة" و انما لازم تكون بهل شكل "العضوية".
- ممنوع استخدام اسماء عضويات تحتوي على الفاظ سوقية او الفاظ بزيئة.
- ممنوع وضع صورة رمزية او صورة ملف شخصي او صور الالبوم خادشة للحياء او الزوق العام.
- التواقيع لازم تكون باللغة العربية او الانكليزية حصرا و يمنع وضع اي عبارة بلغة اخرى.
- ما لازم يحتوي التوقيع على خطوط كتيرة او فواصل او المبالغة بحجم خط التوقيع و السمايليات او المبالغة بمقدار الانتقال الشاقولي في التوقيع "يعني عدم ترك سطور فاضية بالتوقيع و عدم تجاوز 5 سطور بحجم خط 3".
- ما لازم يحتوي التوقيع على لينكات "روابط " دعائية , او لمواقع تانية او لينك لصورة او موضوع بمنتدى اخر او ايميل او اي نوع من اللينكات , ما عدا لينكات مواضيع المنتدى.
- تعبئة كامل حقول الملف الشخصي و هالشي بساعد بقية الاعضاء على معرفة بعض اكتر و التقرب من بعض اكتر "ما لم يكن هناك سبب وجيه لمنع ذلك".
- فيكم تطلبو تغيير اسم العضوية لمرة واحدة فقط وبعد ستة اشهر على تسجيلكم بالمنتدى , او يكون صار عندكم 1000 مشاركة , ومن شروط تغيير الاسم انو ما يكون مخالف لشروط التسجيل "قوانين المنتدى" و انو الاسم الجديد ما يكون مأخود من قبل عضو تاني , و انو تحطو بتوقيعكم لمدة اسبوع على الاقل "فلان سابقا".
- يمنع انتحال شخصيات الآخرين أو مناصبهم من خلال الأسماء أو الصور الرمزية أو الصور الشخصية أو ضمن محتوى التوقيع أو عن طريق الرسائل الخاصة فهذا يعتبر وسيلة من وسائل الإحتيال.


الرسائل الخاصة:
الرسائل الخاصة مراقبة مع احترام خصوصيتا وذلك بعدم نشرها على العام في حال وصلكم رسالة خاصة سيئة فيكم تكبسو على زر "تقرير برسالة خاصة" ولا يتم طرح الشكوى عالعام "متل انو توصلكم رسالة خاصة تحتوي على روابط دعائية لمنتجات او مواقع او منتديات او بتحتوي على الفاظ نابية من سب او شتم او تجريح".
لما بتوصلكم رسائل خاصة مزعجة و انما ما فيها لا سب ولا شتم ولا تجريح ولا روابط دعائية و انما عم يدايقكم شي عضو من كترة رسائلو الخاصة فيكم تحطو العضو على قائمة التجاهل و هيك ما بتوصل اي رسالة خاصة من هالعضو.
و تزكرو انو الهدف من الرسائل الخاصة هو تسهيل عملية التواصل بين الاعضاء.


السياسة:
عدم التطرق إلى سياسة الدولة الخارجية أو الداخلية أو حتى المساس بسياسات الدول الصديقة فالموقع لا يمت للسياسة بصلة ويرجى التفرقة بين سياسات الدول وسياسات الأفراد والمجتمعات وعدم التجريح أو المساس بها فالمنتدى ليس حكر على فئة معينة بل يستقبل فئات عدة.
عدم اعتماد مواضيع أو مشاركات تهدف لزعزعة سياسة الجمهورية العربية السورية أو تحاول أن تضعف الشعور القومي أو تنتقص من هيبة الدولة ومكانتها أو أن يساهم بشكل مباشر أو غير مباشر بزعزعة الأمن والاستقرار في الجمهورية العربية السورية فيحق للادارة حذف الموضوع مع ايقاف عضوية صاحب الموضوع.


المخالفات:
بسبب تنوع المخالفات و عدم امكانية حصر هالمخالفات بجدول محدد , منتبع اسلوب مخالفات بما يراه المشرف مناسب من عدد نقط و مدة المخالفة بيتراوح عدد النقط بين 1-100 نقطة , لما توصلو لل 100 بتم الحظر الاوتوماتيكي للعضو ممكن تاخدو تنبيه بـ 5 نقط مثلا على شي مخالفة , و ممكن تاخد 25 نقطة على نفس المخالفة و ممكن يوصلو لل 50 نقطة كمان و هالشي بيرجع لعدد تكرارك للمخالفة او غير مخالفة خلال فترة زمنية قصيرة.
عند تلقيك مخالفة بيظهر تحت عدد المشاركات خانة جديدة " المخالفات :" و بيوصلك رسالة خاصة عن سبب المخالفة و عدد النقط و المدة طبعا هالشي بيظهر عندكم فقط.


الهدف:
- أسرة شبابية سورية وعربية مسيحية ملؤها المحبة.
- توعية وتثقيف الشباب المسيحي.
- مناقشة مشاكل وهموم وأفكار شبابنا السوري العربي المسيحي.
- نشر التعاليم المسيحية الصحيحة وعدم الإنحياز بشكل مذهبي نحو طائفة معينة بغية النقد السيء فقط.
في بعض الأحيان كان من الممكن أن ينحني عن مسار أهدافه ليكون مشابه لغيره من المنتديات فكان العمل على عدم جعله منتدى ديني متخصص كحوار بين الطوائف , فنتيجة التجربة وعلى عدة مواقع تبين وبالشكل الأكبر عدم المنفعة المرجوة بهذا الفكر والمنحى , نعم قد نشير ونوضح لكن بغية ورغبة الفائدة لنا جميعا وبتعاون الجميع وليس بغية بدء محاورات كانت تنتهي دوما بالتجريح ومن الطرفين فضبط النفس صعب بهذه المواقف.



رح نكتب شوية ملاحظات عامة يا ريت الكل يتقيد فيها:
• ابحث عن المنتدى المناسب لك و تصفح أقسامه ومواضيعه جيداً واستوعب مضمونه وهدفه قبل ان تبادر بالمشاركة به , فهناك الكثير من المنتديات غير اللائقة على الإنترنت .وهناك منتديات متخصصة بمجالات معينة قد لا تناسبك وهناك منتديات خاصة بأناس محددين.
• إقرأ شروط التسجيل والمشاركة في المنتدى قبل التسجيل به واستوعبها جيدأ واحترمها و اتبعها حتى لا تخل بها فتقع في مشاكل مع الأعضاء ومشرفي المنتديات.
• اختر اسم مستعار يليق بك وبصفاتك الشخصية ويحمل معاني إيجابية ، وابتعد عن الأسماء السيئة والمفردات البذيئة ، فأنت في المنتدى تمثل نفسك وأخلاقك وثقافتك وبلدك ، كما أن الاسم المستعار يعطي صفاته ودلالته لصاحبه مع الوقت حيث يتأثر الإنسان به بشكل غير مباشر ودون ان يدرك ذلك.
• استخدم رمز لشخصيتك " وهو الصورة المستخدمة تحت الاسم المستعار في المنتدى " يليق بك و يعبر عن شخصيتك واحرص على ان يكون أبعاده مناسبة.
• عند اختيارك لتوقيعك احرص على اختصاره ، وأن يكون مضمونه مناسباً لشخصيتك وثقافتك.
• استخدم اللغة العربية الفصحى وابتعد عن اللهجات المحكية " اللهجة السورية مستثناة لكثرة المسلسلات السورية " لانها قد تكون مفهومة لبعض الجنسيات وغير مفهومة لجنسيات أخرى كما قد تكون لكلمة في لهجتك المحكية معنى عادي ولها معنى منافي للأخلاق أو مسيء لجنسية أخرى . كذلك فإن استخدامك للغة العربية الفصحى يسمح لزوار المنتدى وأعضائه بالعثور على المعلومات باستخدام ميزة البحث.
• استخدم المصحح اللغوي وراعي قواعد اللغة عند كتابتك في المنتديات حتى تظهر بالمظهر اللائق التي تتمناه.
• أعطي انطباع جيد عن نفسك .. فكن مهذباً لبقاً واختر كلماتك بحكمة.
• لا تكتب في المنتديات أي معلومات شخصية عنك أو عن أسرتك ، فالمنتديات مفتوحة وقد يطلع عليها الغرباء.
• أظهر مشاعرك وعواطفك باستخدام ايقونات التعبير عن المشاعر Emotion Icon's عند كتابة مواضيعك وردودك يجب ان توضح مشاعرك أثناء كتابتها ، هل سيرسلها مرحة بقصد الضحك ؟ او جادة أو حزينه ؟ فعليك توضيح مشاعرك باستخدام Emotion Icon's ،لأنك عندما تتكلم في الواقع مع احد وجها لوجه فانه يرى تعابير وجهك وحركة جسمك ويسمع نبرة صوتك فيعرف ما تقصد ان كنت تتحدث معه على سبيل المزاح أم الجد. لكن لا تفرط في استخدام أيقونات المشاعر و الخطوط الملونة و المتغيرة الحجم ، فما زاد عن حده نقص.
• إن ما تكتبه في المنتديات يبقى ما بقي الموقع على الإنترنت ، فاحرص على كل كلمة تكتبها ، فمن الممكن ان يراها معارفك وأصدقائك وأساتذتك حتى وبعد مرور فترات زمنية طويلة.
• حاول اختصار رسالتك قدر الإمكان :بحيث تكون قصيرة و مختصرة ومباشرة وواضحة وفي صلب مضمون قسم المنتدى.
• كن عالمياً : واعلم أن هناك مستخدمين للإنترنت يستخدمون برامج تصفح مختلفة وكذلك برامج بريد الكتروني متعددة ، لذا عليك ألا تستخدم خطوط غريبة بل استخدم الخطوط المعتاد استخدامها ، لأنه قد لا يتمكن القراء من قراءتها فتظهر لهم برموز وحروف غريبة.
• قم بتقديم ردود الشكر والتقدير لكل من أضاف رداً على موضوعك وأجب على أسئلتهم وتجاوب معهم بسعة صدر وترحيب.
• استخدم ميزة البحث في المنتديات لمحاولة الحصول على الإجابة قبل السؤال عن أمر معين أو طلب المساعدة من بقية الأعضاء حتى لا تكرر الأسئلة والاستفسارات والاقتراحات التى تم الإجابة عنها قبل ذلك.
• تأكد من أنك تطرح الموضوع في المنتدى المخصص له: حيث تقسم المنتديات عادة إلى عدة منتديات تشمل جميع الموضوعات التي يمكن طرحها ومناقشتها هنا، وهذا من شأنه أن يرفع من كفاءة المنتديات ويسهل عملية تصنيف وتبويب الموضوعات، ويفضل قراءة الوصف العام لكل منتدى تحت اسمه في فهرس المنتديات للتأكد من أن مشاركتك تأخذ مكانها الصحيح.
• استخدم عنوان مناسب ومميِّز لمشاركتك في حقل الموضوع. يفضل عدم استخدام عبارات عامة مثل "يرجى المساعدة" أو "طلب عاجل" أو "أنا في ورطة" الخ، ويكون ذلك بكتابة عناوين مميِّزة للموضوعات مثل "كيف استخدم أمر كذا في برنامج كذا" أو "تصدير ملفات كذا إلى كذا".
• إحترم قوانين الملكية الفكرية للأعضاء والمواقع والشركات، وعليك أن تذكر في نهاية مشاركتك عبارة "منقول عن..." إذا قمت بنقل خبر أو مشاركة معينة من أحد المواقع أو المجلات أو المنتديات المنتشرة على الإنترنت.
• إن أغلب المنتديات تكون موجهه لجمهور عام ولمناقشة قضايا تثقيفية وتعليمية . لذلك يجب ان تكون مشاركتك بطريقة تحترم مشاعر الآخرين وعدم الهجوم في النقاشات والحوارات. وأي نشر لصور أو نصوص أو وصلات مسيئة، خادشة للحياء أو خارج سياق النهج العام للموقع.
• المنتدى لم يوجد من أجل نشر الإعلانات لذا يجب عدم نشر الإعلانات أو الوصلات التي تشير إلى مواقع إعلانية لأي منتج دون إذن او إشارة إلى موقعك أو مدونتك إذا كنت تمتلك ذلك.
• عدم نشر أي مواد أو وصلات لبرامج تعرض أمن الموقع أو أمن أجهزة الأعضاء الآخرين لخطر الفيروسات أو الدودات أو أحصنة طروادة.
•ليس المهم أن تشارك بألف موضوع فى المنتدى لكن المهم أن تشارك بموضوع يقرأه الألوف،فالعبرة بالنوع وليس بالكم.
• عدم الإساءة إلى الأديان أو للشخصيات الدينية.
•عند رغبتك بإضافة صور لموضوعك في المنتدى ، احرص على ألا يكون حجمها كبير حتى لا تستغرق وقتاً طويلاً لتحميلها وأن تكون في سياق الموضوع لا خارجه عنه.
•الالتزام بالموضوع في الردود بحيث يكون النقاش في حدود الموضوع المطروح لا الشخص، وعدم التفرع لغيره أو الخروج عنه أو الدخول في موضوعات أخرى حتى لا يخرج النقاش عن طوره.
• البعد عن الجدال العقيم والحوار الغير مجدي والإساءة إلى أي من المشاركين ، والردود التي تخل بأصول اللياقة والاحترام.
• احترم الرأي الآخر وقدر الخلاف في الرأي بين البشر واتبع آداب الخلاف وتقبله، وأن الخلاف في الرأي لا يفسد للود قضية.
• التروي وعدم الاستعجال في الردود ، وعدم إلقاء الأقوال على عواهلها ودون تثبت، وأن تكون التعليقات بعد تفكير وتأمل في مضمون المداخله، فضلاً عن التراجع عن الخطأ؛ فالرجوع إلى الحق فضيلة. علاوة على حسن الاستماع لأقوال الطرف الآخر ، وتفهمها تفهما صحيحا.
• إياك و تجريح الجماعات أو الأفراد أو الهيئات أو الطعن فيهم شخصياً أو مهنياً أو أخلاقياً، أو استخدام أي وسيلة من وسائل التخويف أو التهديد او الردع ضد أي شخص بأي شكل من الأشكال.
• يمنع انتحال شخصيات الآخرين أو مناصبهم من خلال الأسماء أو الصور الرمزية أو الصور الشخصية أو ضمن محتوى التوقيع أو عن طريق الرسائل الخاصة فهذا يعتبر وسيلة من وسائل الإحتيال.
• إذا لاحظت وجود خلل في صفحة أو رابط ما أو إساءة من أحد الأعضاء فيجب إخطار مدير الموقع أو المشرف المختص على الفور لأخذ التدابير اللازمة وذلك بإرسال رسالة خاصة له.
• فريق الإشراف يعمل على مراقبة المواضيع وتطوير الموقع بشكل يومي، لذا يجب على المشاركين عدم التصرف "كمشرفين" في حال ملاحظتهم لخلل أو إساءة في الموقع وتنبيه أحد أعضاء فريق الإشراف فوراً.
See more
See less

المسيحية ممكن تساعدوني

Collapse
This topic is closed.
X
X
 
  • Filter
  • Time
  • Show
Clear All
new posts

  • #61
    رد: المسيحية ممكن تساعدوني

    Originally posted by محب السيد المسيح View Post
    طيب مي مشكلة :
    1- (انت هون بتسال مو بتشعل حريقة من الا شيء) ممكن تقول لي شلون عرفتي هل المعلومة ليكون كمان انت دخلت على نفسي وعرفت اني عبشتعل
    2- (لاتجدف اكتر من هيك بالموضوع ومابنسمح لاحد بيجدف ) وجهة نظرك بس أظن أنوا هل الشيء من اختصاص صديقي المشرف

    بشكر مداخلاتك كتير
    1- (انت هون بتسال مو بتشعل حريقة من الا شيء) ممكن تقول لي شلون عرفتي هل المعلومة ليكون كمان انت دخلت على نفسي وعرفت اني عبشتعل
    اشرح ردك هون لاشوف شو هالرد
    سال مو بتشعل حريقة من الا شيء



    المقصود انك بتكون هادىء وبتقتنع بالردود مو انك بتسال بس وبتعب الكل وبتجدف

    بالاخير مابتكوزن راضي على اي رد بس بتسال

    سؤالي الك
    شو استفدت من كل الردود هي
    يلا ممكن تقلي بكل صراحة؟؟
    يـــــــــــســـوع مـــــــعـــــــي فـــــــمـــــــن عــــــــــــــلـــــــي ...,,
    تـــــــحـــــــيـــــــاتـــــــي
    داريــــن لــحــــدو
    ♰ ܕܐܪܝܢ ܠܚܕܘ ♰



    Comment


    • #62
      رد: المسيحية ممكن تساعدوني

      Originally posted by aboremon View Post

      مية أهلاً ومية سهلاً

      هلق خيي بالبداية اكيد الموضوع مو اني نسيت شو أوجه الشابه بس سؤالك ماكان هيك وانا بجد يعتذر بس مابعرف شو في بقلبك لاني مابنجم

      يعني في حال حبيت انك تطلب شي تاني ليبينلك انو في اوجه شبه من السيد المسيح كانت ببعض الأنبياء واللي هون كنا عم نحكي على موسى

      كان فينك تقول بسؤالك في أمثلة تانية لانو مانك متأكد من الأمثلة اللي قلتلك ياهن
      وهون فيني حطلك أمثلة اخرى لساعدك اذا بتحب ببعض أوجه التشابه وأكيد في اختلاف كمان وتكرم عيونك بس حابب بسط الفكرة اكتر اذا بتسمحلي :

      بهي الآية ربنا عم يقول لموسى انو بدو يجي نبي مثل موسى فهون ماقال بدو يجي مثل موسى تماماً وبس
      لأ
      قال انو بدو يجي نبي مثل موسى يعني التركيز فقط على صفة النبوة اللي بموسى فبيكون وجه الشبه بصفة النبوة ويجب انا يكون هنالك اختلاف بالصفاة الأخرى البشرية لان لو ماكان في اختلاف وكان الكلام اتبدل من اقيم لهم نبيا من وسط اخوتهم مثلك الى اقيم لهم من وسط اخوتهم مثلك فهون ممكن يكون في فقط تشابه ولازم التشابه يكون كامل يعني بدون اختلاف

      فالسيد المسيح مااتجوز مثلا يعني هو عاش لكن الحياة البشرية كانت مجرد طريقة للوصول للبشر هاد مثال على الاختلاف الواضح
      بالنسبة للتشابه فهو روحي يعني التشابه هو بالصفاة اللي بالنبي موسى الروحية واللي حطيتلك ياها سابقاً بردي واللي موجودة بأعمال الرسل 7، 20-45بدي ارجع حط أوجه التشابه بين حياة موسى والسيد يسوع المسيح :

      ( النبي موسى )

      1 - "فقالت السحرة لفرعون: هذه اصبع الله. وتقسّى قلب فرعون فلم يسمع لهما، كما قال الرب"
      2 - "وأقام موسى هناك عند الرب أربعين يوما وأربعين ليلة، لا يأكل خبزا ولا يشرب ماء، فكتب على اللوحين كلام العهد، الكلمات العشر"

      (المسيح )

      1 - كلمات المسيح بعد طرد الشياطين من نفس ممسوس: "وأما إذا كنتُ بإصبع الله أطرد الشياطين فقد وافاكم ملكوت الله"
      2 - "فصام أربعين يوما وأربعين ليلة حتى جاع"


      بالنسبة لاعادة سؤالك التاني بخصوص كيف انا عرفت انو بيقصد السيد المسيح لانو كان وسط بني اسرائيل فهاد مرجعو هو التاريخ و الآثار و الكتاب المقدس بالعهد القديم وبالعهد الجديد ومن الكنسية واذا عندك شي بيعطينا عكس هاد التأكيد فخبرنا عنو لنشوف بلكي عندك راي تاني
      بس حضرتك لما قريت ردي لازم ركزت اني قلت صفة من صفات السيد المسيح هي النبي يعني صفة وحدة بس من الصفات المعدودة واللا معدودة عند سيدنا يسوع المسيح

      هلق بالنسبة لردي ورد الأخت الغالية barbie مجرد شرح يعني مافي اختلاف بالردين واذا بتحب تتأكد من هاد الشي ممكن تقرا هاد الموضوع التعريف بالمسيحية بس كبيس على الكلمة بتفوت على الرابط

      أما بالنسبة لاستفسارك للاعضاء اذا بيأيدو أو لأ فهاد صار مو موضوع وشرح للأيات
      يعني صار استفتاء
      انا برأي لازم تكون نضرة بعد ماتتعلم فينك تبلش تسأل
      وهاد رأي مشان ماتتضارب الأفكار عندك مع العلم انو لتقوم باللي عم تعملو لازم يكون في إيمان بالبداية ولا بس حضرتك حابب تزيد الثقافة وبس يعني طريقة الأسئلة نسفت أول رد لالك بالموضوع وهو انك حابب تتعلم
      واذا كان العكس أكيد اهلا وسهلا فيك بتشرف ببيتك التاني


      والرب يكون معك ومعانا


      بحب أشكرك كتير وأحي جهودك واهتمامك صديقي وفيني أعقب
      1- (هلق خيي بالبداية اكيد الموضوع مو اني نسيت شو أوجه الشابه بس سؤالك ماكان هيك وانا بجد يعتذر بس مابعرف شو في بقلبك لاني مابنجم) معلومة كتير حلوة ياريت تقولها لكل الأصدقاء يلي نازلين اتهام فيني
      وأنا بصراحة بقبل اعتذارك وكمان بعتذر منك يمكن سؤالي ماكان واضح بس فيني اطلب منك طلب رجاء صديقي من شان حكينا اكتر من مرة بهل الموضوع وصار شوية تشتيت فيك ترجع اذا كان ممكن تحط لي كل الأشياء المتشابهة بين نبي الله موسى والسيد المسيح واللي ذكرتها من أول مابديت تشرح لي هل الأية لآخر موضوع كتبت عن هل الآية ويكون على شكل نقاط 1 ، 2 ، 3 ، اعذرني بدي اتعبك بس هي وجهة نظري ( من شان يستفيدوا كل الأصدقاء وأنا أولهم ) واذا كان هل الشيء بتعبك فيك تعتذر عنه وبعتقد كمان في أسئلة سألتك ياها ومارديت علي على العموم انا مابدي ارجع عيدها من شان ماحدا يزعل مني من الأصدقاء أنا مابحب أزعل حدا على العموم إذا حابب تجاوب عليها فيك ترجع إلها وتجاوب لي عليها وإذا مالك حابب فعلى راحتك .
      2- ( لانو مانك متأكد من الأمثلة اللي قلتلك ياهن) مين اللي قلك مالي متأكد منهم أنت قلت من شوي مالك منجم مو صح
      3-(قال انو بدو يجي نبي مثل موسى يعني التركيز فقط على صفة النبوة اللي بموسى فبيكون وجه الشبه بصفة النبوة ) بفهم أن هذا هو أهم وجه شبه
      4-((المسيح )

      1 - كلمات المسيح بعد طرد الشياطين من نفس ممسوس: "وأما إذا كنتُ بإصبع الله أطرد الشياطين فقد وافاكم ملكوت الله"
      2 - "فصام أربعين يوما وأربعين ليلة حتى جاع") فيني أسألك أي واحد فينا لما بصوم أو بسوي أي عبادة بتوجه فيها لمين وبسويها لمين وكمان فيني أسألك هل الجوع من صفات الرب .
      5-(أما بالنسبة لاستفسارك للاعضاء اذا بيأيدو أو لأ فهاد صار مو موضوع وشرح للأيات
      يعني صار استفتاء) معلش من شان ماحدا يفهمني غلط هذا ابدا مو استفتاء وإذا انت شايفه استفتاء فهي وجهة نظرك وأنا بحترمها وأنا وجهة نظري مو استفتاء وهي وجهة نظري فيك ماتقتنع فيها أنت حر وما فيني ألزمك فيها
      بتعرف أنت وغيرك ممكن أي واحد في هل الدنيا يسوي عضوية في هل المنتدى وشو ماكان هو وشو ماكان دينه وعلمه يعني بغض النظر عن أي شيء في هل العضو مو صح وأنا شو عرفني بهوية أي عضو يعني يمكن اي عضو يحط أي معلومة ويمكن هل المعلومة تكون غلط وأنا شلون بدي أعرف الصح من الغلط إذا ماالأعضاء التانين أيدوا هل الشيء هي وجهة نظري وإذا كنت أنت أو غيرك بتشوفها خطأ فكرمال عيونك أنا ماعاد أحط أي استفسار للأعضاء إذا بأيدوا أو لأ في أي توضيح رح تحطوا أنت وإذا في حدا من الأعضاء عبزعجه هل الشيء فيه يخبرني وأنا بلتزم فيه يعني أنا بتقبل كل شيء بروح رياضية وليه الزعل ، الزعل مابفيد ومابجيب نتيجة
      6- (واذا كان العكس أكيد اهلا وسهلا فيك بتشرف ببيتك التاني) بشكرك كتير على هل الترحيب وياريت كل الأعضاء يستفيدوا منك .

      Comment


      • #63
        رد: المسيحية ممكن تساعدوني

        Originally posted by شيري ماريا View Post
        1- (انت هون بتسال مو بتشعل حريقة من الا شيء) ممكن تقول لي شلون عرفتي هل المعلومة ليكون كمان انت دخلت على نفسي وعرفت اني عبشتعل
        اشرح ردك هون لاشوف شو هالرد
        سال مو بتشعل حريقة من الا شيء



        المقصود انك بتكون هادىء وبتقتنع بالردود مو انك بتسال بس وبتعب الكل وبتجدف

        بالاخير مابتكوزن راضي على اي رد بس بتسال

        سؤالي الك
        شو استفدت من كل الردود هي
        يلا ممكن تقلي بكل صراحة؟؟
        أنا قلت من البداية أنا هنا للاستفسار عن آيات الكتاب المقدس لذلك لن أجيب عن أي شيء يتعلق بالكتاب المقدس بس رح استفسر وانتظر الاجابة
        بس طالما أنت سألتيني من خارج الكتاب المقدس فما فيني امتنع عن اجابتك ورح جاوبك بس بدي اطلب طلب من صديقي المشرف إذا كانت مشاركتي هي خارج النقاش وهو أدرى بهل الشيء أكيد فيه يحذفها وبحي جهوده ومتابعته وبطلب منه يسامحني لأني شكلي تعبته .
        1- هذا سؤالك الأول وخدي جوابه (سال مو بتشعل حريقة من الا شيء) أنا ماعبشتعل حريقة ابدا ولوكنت عبشتعل فما في حدا جابرني لأضل بهل المنتدى فيني اتركه وامشي
        وفيك تشوفي ردودي شلون هادية .
        2- (المقصود انك بتكون هادىء وبتقتنع بالردود مو انك بتسال بس وبتعب الكل وبتجدف ) أول الشيء أنا كتير هادئ أما بالنسبة للقناعة فبعتقد انو أنا مافيني أجبرك أو أجبر أي حدا تاني يقتنع بكلامي وبالنسبة للتعب فبعتقد أنوا التعب من أجل توضيح الدين مو تعب هي وجهة نظري فيك تقبليها وفيك ماتقبليها وماحدا بيلزم حدا بأي شيء .
        3-( مابتكوزن راضي على اي رد بس بتسال ) من وين عرفتي انو مالي راضي أما بالنسبة للسؤال فهو للاستفسار والتوضيح أكثر وإذا كان السؤال حرام فيك تخبريني .
        4- (سؤالي الك
        شو استفدت من كل الردود هي
        يلا ممكن تقلي بكل صراحة؟؟) بصراحة والصراحة راحة إلك الجواب :
        استفدت زيادة معرفتي بالدين المسيحي من قبل أهله ومعتنقيه .

        Comment


        • #64
          رد: المسيحية ممكن تساعدوني

          يا ناس ضغطي كل مالو عم يرتفع

          و خصوصا بعد المشاركة رقم 43

          Comment


          • #65
            رد: المسيحية ممكن تساعدوني

            Originally posted by Barbie View Post
            يا ناس ضغطي كل مالو عم يرتفع


            و خصوصا بعد المشاركة رقم 43

            معلش باربي طولي بالك

            رح دللك على دوا كويس بتاخديه وقت تدخلي حوار ديني

            لانو هاد الشي طبيعي

            رح نواجه صعوبة كبيرة حتى نقدر نوصل الفكرة و الحقيقة للاخر

            لانو مو بهالسهولة تقدري تشرحي الاف السنين من محبة الرب يسوع المسيح النا

            و قضية الثالوث القدوس و العلاقة بين الاقانيم الثلاثة قضية مو بهالسهولة نقدر نفهمها لحتى نقدر نوصلها للاخر

            و مشكور الاخ محب السيد المسيح على تعاونو و تفهمو للافكار و بشكر اكتر الاخوة اللي استزادو بالشرح و التفصيل

            و انت يا باربي هدي شوي



            تحياتي للجميع

            Comment


            • #66
              رد: المسيحية ممكن تساعدوني

              Originally posted by barbie View Post
              يا ناس ضغطي كل مالو عم يرتفع


              و خصوصا بعد المشاركة رقم 43
              سلامات باربي ومين اللي عبرفعلك ضغطك بعدين إذا كان هل الموضوع عبرفعلك ضغطك أنا بتوقع انو في غيرك مبسوط عليه ومستمتع وكمان فيكي ماتفوتي على هل الموضوع ماحدا جابرك تفوتي عليه وترفعي ضغطك مو هيك

              Comment


              • #67
                رد: المسيحية ممكن تساعدوني

                Originally posted by elias mousa View Post
                معلش باربي طولي بالك



                رح دللك على دوا كويس بتاخديه وقت تدخلي حوار ديني

                لانو هاد الشي طبيعي

                رح نواجه صعوبة كبيرة حتى نقدر نوصل الفكرة و الحقيقة للاخر

                لانو مو بهالسهولة تقدري تشرحي الاف السنين من محبة الرب يسوع المسيح النا

                و قضية الثالوث القدوس و العلاقة بين الاقانيم الثلاثة قضية مو بهالسهولة نقدر نفهمها لحتى نقدر نوصلها للاخر

                و مشكور الاخ محب السيد المسيح على تعاونو و تفهمو للافكار و بشكر اكتر الاخوة اللي استزادو بالشرح و التفصيل

                و انت يا باربي هدي شوي


                تحياتي للجميع


                بشكر مداخلتك صديقي وبذكرك كمان كان سألتك بعض الأسئلة فيك ترجع لها وإذا بتحب جاوب عليها ورح وضح بعض الأمور :
                1- (وقت تدخلي حوار ديني ) بس بحب أنبهك هون مو حوار ديني هون استفسار عن آيات الكتاب المقدس ، وأظن أنوا الأصدقاء بيعرفوا الفرق بين الحوار والفرق بين السؤال .
                2- (و قضية الثالوث القدوس و العلاقة بين الاقانيم الثلاثة قضية مو بهالسهولة نقدر نفهمها لحتى نقدر نوصلها للاخر ) اعتراف صريح صديقي وأنا بحب الصراحة وأكيد صديقي إذا كان الواحد مو فهمان أي شغلة بغض النظر عن هل الشغلة أكيد مستحيل يفهمها لغيره .
                3- (و مشكور الاخ محب السيد المسيح على تعاونو و تفهمو للافكار )وانا كمان بشكرك صديقي لأني بتوقع أنو كلامك هذا فيه تراجع عن كلامك السابق يلي قلته فيني وطبعا رح أقول لكل الأصدقاء ( الاعتراف بالذنب فضيلة والرجوع إلى الحق فضيلة)
                4- (بشكر اكتر الاخوة اللي استزادو بالشرح و التفصيل) وأنا كمان بضم صوتي إلك وبشكر كل الأصدقاء يلي عبفيدوني وبتمنى يفيدوني أكتر ويجاوبوا على كل استفساراتي واسئلتي إذا كان ممكن .

                Comment


                • #68
                  رد: المسيحية ممكن تساعدوني

                  بشكر كل الأصدقاء يلي شاركوا في التوضيح وطبعا من شان مانخرج عن موضوعنا بحب أذكر كل الأصدقاء أنوا في أسئلة كتير سألتها وما حدا عطاني جوابها على العموم وقبل ما ننتقل للآية التانية إذا في حدا عنده أي توضيح او تفسير لأسئلتي وحابب يفيدني فلا يبخل علي فيه ورجاء كمان لحدا يحط أي مشاركة خارجة عن موضوعنا على العموم رح اترك لكم يومين او ثلاثة أو أكثر طبعا إذا ماحدا جاوب على اسئلتي ( فأظن من وجهة نظري أن هناك احتمالين: 1- يا انو ماعاد حدا عنده جواب 2- يا انو بشتوفوا انو التوضيح يلي عطيتوني ياه بكفيني طبعا انا أدرى بحالي وعبقولكم توضيحكم ماكفاني ولسه بدي توضيح اكتر من هيك وخصوصا اسئلتي يلي سألتها ) بتوقع بعد هيك فينا نبدأ بآية جديدة وشكرا لصديقي المشرف على متابعته وشكرا لكل الاصدقاء بانتظار مشاركاتكم ومداخلاتكم أصدقائي

                  Comment


                  • #69
                    رد: المسيحية ممكن تساعدوني

                    محب السيد المسيح

                    و قضية الثالوث القدوس و العلاقة بين الاقانيم الثلاثة قضية مو بهالسهولة نقدر نفهمها لحتى نقدر نوصلها للاخر ) اعتراف صريح صديقي وأنا بحب الصراحة وأكيد صديقي إذا كان الواحد مو فهمان أي شغلة بغض النظر عن هل الشغلة أكيد مستحيل يفهمها لغيره


                    انا بهي مو معك أخي محب السيد المسيح
                    وبتوقع القصد منها انو يخبرك انو الموضوع مابيصير بس ببعض الردود بدون خلفية

                    مثلاً :

                    لان مو اي شخص بس يقلك أمن معناتها انت أمنت

                    يعني الموضوع مانو سهل
                    بس مو معناتها انو مو مفهوم
                    فهمت شي ؟؟


                    هيك القصد هلق بالنسبة لهيدا الموضوع في عنا بمنتدانا موضوع بيشرحوا بشكل رائع
                    بتمنى تستفيد منو كيف نفهم منطق الثالوث الأقدس




                    وهات رجاع عيدلي شو في شغلات مافهمتها وشو تفسيرك انت لالها اذا ممكن و اذا مو ممكن بس حطلنا ياهن وانا بساعدك ضمن نفس اليوم أو أي عضو تاني
                    مع اني ماني مقتنع انو في شي غير مقهموم من اللي انكتب
                    بس عادي ناطر ردك لشوف اذا ممكن نساعدك


                    وتكرم عيناك أيها الحبيب

                    مع المتابعة...
                    والرب يكون معك ومعانا



                    Comment


                    • #70
                      رد: المسيحية ممكن تساعدوني

                      Originally posted by aboremon View Post

                      انا بهي مو معك أخي محب السيد المسيح
                      وبتوقع القصد منها انو يخبرك انو الموضوع مابيصير بس ببعض الردود بدون خلفية
                      مثلاً :

                      بس قلك أمن معناتها أمنت

                      يعني الموضوع مانو سهل
                      بس مو معناتها انو مو مفهوم
                      فهمت شي ؟؟


                      هيك القصد هلق بالنسبة لهيدا الموضوع في عنا بمنتدانا موضوع بيشرحوا بشكل رائع
                      بتمنى تستفيد منو كيف نفهم منطق الثالوث الأقدس





                      وهات رجاع عيدلي شو في شغلات مافهمتها بطريقة 1 2 3 وشو تفسيرك انت لالها اذا ممكن اذا مو ممكن
                      بس حطلي ياهن وانا بساعدك ضمن نفس اليوم

                      وتكرم عيناك أيها الحبيب

                      مع المتابعة...
                      والرب يكون معك ومعانا
                      شكرا إلك صديقي شقد متعاون .
                      1- (وبتوقع القصد منها انو يخبرك انو الموضوع مابيصير بس ببعض الردود بدون خلفية) طيب ما أنا جاي هون لأخد هل الخلفية وبتوقع أنك شفت ردود الأصدقاء علي وشلون كل واحد فيهم صار يتهم فيني، وأنا قلت من البداية حابب أتعرف على المسيحية أكتر وأكتر
                      2- (بس قلك أمن معناتها أمنت

                      يعني الموضوع مانو سهل
                      بس مو معناتها انو مو مفهوم ) بس هو اللي قال (قضية مو بهالسهولة نقدر نفهمها لحتى نقدر نوصلها للاخر) كان فيو يقول مو بهالسهولة نخلي غيرنا يآمن فيها ليكون بس لاتزعل مني كمان كلام البشر مابصير نفهمه بالمعنى الحرفي.
                      3-(وهات رجاع عيدلي شو في شغلات مافهمتها بطريقة 1 2 3 وشو تفسيرك انت لالها اذا ممكن) طبعا رح اقل لك وكمان لاتزعل مني مو ممكن لأني هون مو ساحة حوار ونقاش لحتى أعطيك وجهة نظري وتعطيني وجهة نظرك وانا هون جاي استفهم واستفسر واتعلم مو جاي لحتى أعلم . يبقى لما مشرفين هل المنتدى بيفتحوا ساحة حوار ونقاش ديني وانا بشارك فيها فيك هداك الوقت تطلب مني هل الطلب .
                      4-(وهات رجاع عيدلي شو في شغلات مافهمتها بطريقة 1 2 3) انا بتوقع انوا اكتر اسئلتي كان موجهة إلك ولباربي على العموم تكرم رح أرجع عيد لك كل اسئلتي إن شاء الله في اقرب وقت إلي بس إن شاء الله ماحدا من الأصدقاء يزعل مني ويقول لي لسع عبتعيد وتزيد في أسئلتك .

                      Comment


                      • #71
                        رد: المسيحية ممكن تساعدوني

                        Originally posted by محب السيد المسيح View Post
                        شكرا إلك صديقي شقد متعاون .
                        1- (وبتوقع القصد منها انو يخبرك انو الموضوع مابيصير بس ببعض الردود بدون خلفية) طيب ما أنا جاي هون لأخد هل الخلفية وبتوقع أنك شفت ردود الأصدقاء علي وشلون كل واحد فيهم صار يتهم فيني، وأنا قلت من البداية حابب أتعرف على المسيحية أكتر وأكتر
                        2- (بس قلك أمن معناتها أمنت

                        يعني الموضوع مانو سهل
                        بس مو معناتها انو مو مفهوم ) بس هو اللي قال (قضية مو بهالسهولة نقدر نفهمها لحتى نقدر نوصلها للاخر) كان فيو يقول مو بهالسهولة نخلي غيرنا يآمن فيها ليكون بس لاتزعل مني كمان كلام البشر مابصير نفهمه بالمعنى الحرفي.
                        لا أكيد البشر في عندن طرق ليوصلوا فكرتن ووحدة منها النُطق أو الكتابة بشكل مباشر بس كمان في طرق تانية مثلاً ( الكلام بين السطور )

                        المهم انو ماقلك اخونا اللي رد عليك انو هو منو فهمانها مع العلم انو مو بالضرورة كل الأشخاص يكونو باصمين الدين

                        لأن الدين مو حفظ وتسميع


                        3-(وهات رجاع عيدلي شو في شغلات مافهمتها بطريقة 1 2 3 وشو تفسيرك انت لالها اذا ممكن) طبعا رح اقل لك وكمان لاتزعل مني مو ممكن لأني هون مو ساحة حوار ونقاش لحتى أعطيك وجهة نظري وتعطيني وجهة نظرك وانا هون جاي استفهم واستفسر واتعلم مو جاي لحتى أعلم . يبقى لما مشرفين هل المنتدى بيفتحوا ساحة حوار ونقاش ديني وانا بشارك فيها فيك هداك الوقت تطلب مني هل الطلب .
                        4-(وهات رجاع عيدلي شو في شغلات مافهمتها بطريقة 1 2 3) انا بتوقع انوا اكتر اسئلتي كان موجهة إلك ولباربي على العموم تكرم رح أرجع عيد لك كل اسئلتي إن شاء الله في اقرب وقت إلي بس إن شاء الله ماحدا من الأصدقاء يزعل مني ويقول لي لسع عبتعيد وتزيد في أسئلتك .
                        يلا ناطرك ياحبيب
                        واسف اذا بدنا نعذبك بس سبب طلبي بانك ترجع تعيد
                        هو احساسي انو الأجوبة كانت مفهومة وانشرحت كتير
                        بس انشالله نحاول نرجع نساعدك

                        مع المتابعة...
                        والرب يكون معك ومعانا



                        Comment


                        • #72
                          رد: المسيحية ممكن تساعدوني

                          صديقي المحب

                          بتمنى ما يطلع موضوعك عن المحور الرئيسي و ينتقل الى خانة تقييم الاشخاص و تصنيفهم

                          بشكر مداخلتك ومشاركتك ( شكرًا إلك دخلتي للمناقشة بهدوء وطلعت كمان بهدوء ) وبحي فيك هل الشيء
                          هل الكلام بوجه لكل الأصدقاء ( ترى مو عيب الواحد يقول أنا مابعرف أو مابستطيع أعلم بس العيب أنو الواحد يكون مابيعرف ويدعي المعرفة وهذا أنا ما خجلت و قلت لكم من البداية حابب أتعلم واستفسر وما ادعيت العلم والمعرفة ) وإذا في حدا من الأعضاء عليه اعتراض على كلامي هذا فيه يبين لي خطئي وكمان مو عيب الواحد يغلط بس العيب أنو الواحد يستمر على الغلط .
                          اعتراف صريح صديقي وأنا بحب الصراحة وأكيد صديقي إذا كان الواحد مو فهمان أي شغلة بغض النظر عن هل الشغلة أكيد مستحيل يفهمها لغيره


                          )وانا كمان بشكرك صديقي لأني بتوقع أنو كلامك هذا فيه تراجع عن كلامك السابق يلي قلته فيني وطبعا رح أقول لكل الأصدقاء ( الاعتراف بالذنب فضيلة والرجوع إلى الحق فضيلة

                          لانو من خلال هيك ردود حضرتك عم تقيم اشخاص لا انت و لا غيرك بتعرف شو هني

                          و هنا بتمنى تتراجع عن كلامك و تقدم اعتذارك

                          لانو غير هيك الوضع مو مقبول ابدا بغض النظر عن غايتك و هدفك من الدخول هنا

                          Comment


                          • #73
                            رد: المسيحية ممكن تساعدوني

                            بكل رحابة الصدر استوعبنا تساؤلاتك و بكل المحبة التي اوصانا بها يسوع سيدنا جاوبنا عليها مع مراعاة الدقة و الأمانة و السلاسة. و لكن للأسف انك تمتص اجابيتنا بالعطاء بسلبية تعليقاتك و تشكيل الكلام و تحويله على مزاجك. و هذا ليس جميل ابدا لقد جعلتنا و ابديتنا كالنحاس الذي يطن و الصنج الذي يرن على الفاضي.

                            ولي عتب على الأدارة انشالله بنزله بموضوع!

                            Comment


                            • #74
                              رد: المسيحية ممكن تساعدوني

                              اهلين محب السيد المسيح خليني اشكرك اول شي
                              والمبادرة منك كتير مهذبي وبقلك شغلي
                              انو ماعنا شي متخبا في الديانة المسيحية
                              وكلو عالمكشوف
                              واهلين بربك
                              والمسيح يهدك
                              ا ل م س ا م ر
                              أيها الموت أبتعد مني ليس خوفا" منك ولا حبا" بالحياة بل خوف" على دموع أمي

                              Comment


                              • #75
                                رد: المسيحية ممكن تساعدوني

                                السلام عليكم ورحمة الله وبركاته:

                                إلي عتب على الأعضاء الكرام وخاصة محب السيد المسيح.

                                أنا قرأت النقاش من أولو لآخرو وطبعاً بسبب الفوضى بالنقاش والله ما قدرت جمع أبداً ، يعني ما بكون قريت رد على شي سؤال إلا بتطلع بالمشاركة اللي بعدو مسألة جديدة بتشتت الحوار وبكون أنا نسيت شو قريت قبل شوي.
                                وأخي محب السيد المسيح ياريت كنت تطرح سؤال سؤال أو آية آية وبعدين بنروح لوحدة تانية يعني أنا قضيت مالا يقل عن نصف ساعة راحت على الفاضي. ياريت يكون في تنظيم من قبلك كونك إنت اللي فتحت الموضوع.

                                وشكراً للجميع.

                                Comment


                                • #76
                                  رد: المسيحية ممكن تساعدوني

                                  متابعة مرة أخرى

                                  "سلامي امنحكم, سلامي اعطيكم, لا كما يعطي العالم اعطيكم أنا."
                                  "ثقوا لقد غلبت العالم"
                                  ======================================

                                  Comment


                                  • #77
                                    رد: المسيحية ممكن تساعدوني

                                    بحب أشكر كل الأصدقاء يلي شاركوا بهل الموضوع وأنا من وجهة نظري ماغلطت على حدا وماوجهت أي كلام بيجرح لحدا ، كلامي كله كان عام ، بس إذا في حدا بشوف أني غلطت في حقه فأنا وبكل سعة صدر بقول له هل الكلمة ( أنا آسف )
                                    هو بصراحة صار شوية تشتيت وخروج عن الموضوع ومن شان مايتكرر هل الشيء بحب أقول لنفسي ولكل الأصدقاء رجاء ماحدا يطلع عن موضوع النقاش( شرح الآيات) وإذا في عند أي صديق :
                                    ( تعليق ، تنبيه ، تحليل شخصية ، اتهام ، ... ) فيو يروح لصفحتي الشخصية ويترك لي رسالة هنيك وأنا رح أتقبل كل شيء وأوضح له وجهة نظري ، طبعا وبعد كلامي هذا أي واحد رح يحط أي معلومة خارج نقاشنا فيعذرني أني مارح أرد عليه
                                    وبحب في النهاية أذكر نفسي واصدقائي بهل العبارة ( أكيد مافي حدا مابيغلط بس لازم الشخص يتعلم من أغلاطه ومايستمر عليها )

                                    Comment


                                    • #78
                                      رد: المسيحية ممكن تساعدوني

                                      رغبةً مني في الاستفسار وتلبيةً لطلب صديقي أبو ريمون هاأنا أضع هذه الأسئلة -والتي لم تتضح لي- بين يديّ أصدقائي أعضاء هذا المنتدى وأطلب منهم مساعدتي والإجابة عليها ولهم مني الشكر
                                      ملاحظات :
                                      1- أي كتابة باللون الأخضر فهي تخص (محب السيد المسيح ) واللون الأزرق من كتابات (باربي) واللون الأسود من كتابات(أبو ريمون ) واللون الأحمر من كتابات ( ابن يسوع )
                                      2- أي صديق يريد الإجابة عن أي سؤال لطفًا ليقم بكتابة السؤال كاملا ورقمه ومن ثم يضع تفسيره وتوضيحه وشكرًا .
                                      السؤال هو
                                      1- :لفظ ولد الله في الكتاب المقدس أطلق على السيد المسيح وعلى غيره ؟ بريد إجابة بنعم أو لا بس مو أكتر

                                      2- لفظ ابن الله في الكتاب المقدس أطلق على السيد المسيح وعلى غيره ؟ بريد إجابة بنعم أو لا بس مو أكتر

                                      3- هل هناك فرق بين لفظ ولد ولفظ ابن أم أنهما بمعنى واحد ؟

                                      4- (الله و هو على الأرض كان موجودا في السماء ايضا. هذا اجحاف منا نحن المسيحيين لو قلنا ذلك و نحن لا نقول ذلك ابدا وانما هكذا اقاويل تنسب جورا الينا)
                                      1- أفهم من هذه العبارة أن الإله لما كان على الأرض كان الإله فقط على الأرض و لم يكن هناك إله في السماء فهمي صح و إلا لا
                                      2- هل هذا كلام جميع المسيحيين وممكن حدا يجيب لي أدلة تؤيدهل الكلام من الكتاب المقدس ؟

                                      5- العبارة(ويقصد به يسوع المسيح (الله) كان دائما في العالم آي بعد طرد آدم و حواء ظل الله يتعامل مع البشرية و يكلم الناس بواسطة الأنبياءولكن عندما تم ملء الزمان و وقت تنفيذ الخطة الألهية قد آن. حبلت العذراء من الروح القدس و هذا ما يقصد به ليس من دم او رغبة جسد او رغبة بشر ( يعني مو جنس او شهوة ونطفة رجل + بويضة امرأة= جنين) و في مثل آيامنا هذه ولد الأله منها.
                                      أنتبه فوق هو كان موجود و به تكون العالم و كان مع العالم ولكنه الآن جاء الى العالم بهيئة البشر لأن الله لا يستطيع آحد ان يراه فكيف سيكلم البشر اذا لم يصبح بشرامثلهم و بما ان لا احد يستطيع من البشر ان يفي حق عقوبة عصيان آدم كان لابد من شخص لديه هوية البشر و ايضا هوية الله ان يقوم بالعمل الفدائي لتتم المصالحة و هذا الشخص كان يسوع المسيح )
                                      بفهم من هل العبارة أن :
                                      1- الرب الأب والرب الابن هو شيء واحد
                                      2- أن الرب الذي كان في السماءقد هبط لرحم السيدة العذراء لتحمل به ومن ثم تلده ليخرج الرب إلى الأرض على هيئةبشر .
                                      فهمي صح والا لأ وإذا كان فهمي غلط عطيني الفهم الصحيح لهل العبارة .

                                      6- شرح هل العبارة(ولا اظن ان الله الذي اتى و انحصر لمدة 33 عاما في الشخص البشري يسوع المسيح يستطيع في نفس الوقت ان يكشف الغيب و افكار الناس! اذن هو موجودفي كل مكان و زمان و ضابط الكون في كل آوان)

                                      7- ( يعني يسوع المسيح هو كلمة الله هو مرسل من عند الله هو نبي من عند الله هو الإقنوم الثاني التساوي في الجوهر هو ابن الله هو من يتمثل به كل مسيحي هو من خلصنا من الخطيئة الأصلية وبه تغفر خطايانا هو الروح المتجسدة بين البشر هو من يشفع للعالم عند الله )
                                      والسؤال : كيف يشفع السيد المسيح (الله ) للعالم عند الله ؟

                                      8- وأود ذكر حادثة كلام الله لموسى يأمره بها برفع الحية النحاسية فكان كل شخص ينظر لها من بني اسرائيل الذين حلت عليهم اللعنة يشفي ويبرئ
                                      والسؤال : هل تعتبر هذه الحادثة من معجزات نبي الله موسى والتي منحه الله إياها؟

                                      9- كلام ابن يسوع ( على فكرة ما بعرف اذا هي الشغلة بيعرفوها الشباب انو المسيح لما كان على الارض كان عايش حياة طبيعية كاملة يعني متل مو انت عايش هلا هو هيك انفصل عن الله ترك كل شي في السماء وتجسد لحتى يخدم الانسان)
                                      والسؤال : هل هذه عقيدة جميع المسيحيين ؟


                                      10- الجمع بين هل الكلام يلي كتبه الصديق أبو ريمون( يعني يسوع المسيح هو كلمة الله هو مرسل من عند الله هو نبي من عند الله هو الإقنوم الثاني التساوي في الجوهر هو ابن الله)وهل الكلام يلي كتبته الصديقة باربي(يسوع المسيح (الله) )

                                      11- ( قال انو بدو يجي نبي مثل موسى يعني التركيز فقط على صفة النبوة اللي بموسى فبيكون وجه الشبه بصفة النبوة)بفهم أن هذا هو أهم وجه شبه

                                      12- ورد في كلام الصديق أبو ريمون
                                      (المسيح)

                                      1- كلمات المسيح بعدطرد الشياطين من نفس ممسوس: "وأما إذا كنتُ بإصبع الله أطرد الشياطين فقد وافاكم ملكوت الله"

                                      2- "فصام أربعين يوما وأربعين ليلة حتى جاع" (فيني أسأل : أي واحد فينا لما بصوم أو بسوي أي عبادةبتوجه فيها لمين وبسويها لمين وكمان فيني أسأل : هل الجوع من صفات الرب؟.

                                      Comment


                                      • #79
                                        رد: المسيحية ممكن تساعدوني

                                        Originally posted by محب السيد المسيح View Post
                                        رغبةً مني في الاستفسار وتلبيةً لطلب صديقي أبو ريمون هاأنا أضع هذه الأسئلة -والتي لم تتضح لي- بين يديّ أصدقائي أعضاء هذا المنتدى وأطلب منهم مساعدتي والإجابة عليها ولهم مني الشكر
                                        ملاحظات :
                                        1- أي كتابة باللون الأخضر فهي تخص (محب السيد المسيح ) واللون الأزرق من كتابات (باربي) واللون الأسود من كتابات(أبو ريمون ) واللون الأحمر من كتابات ( ابن يسوع )
                                        2- أي صديق يريد الإجابة عن أي سؤال لطفًا ليقم بكتابة السؤال كاملا ورقمه ومن ثم يضع تفسيره وتوضيحه وشكرًا .
                                        السؤال هو
                                        1- :لفظ ولد الله في الكتاب المقدس أطلق على السيد المسيح وعلى غيره ؟ بريد إجابة بنعم أو لا بس مو أكتر

                                        لا

                                        2- لفظ ابن الله في الكتاب المقدس أطلق على السيد المسيح وعلى غيره ؟ بريد إجابة بنعم أو لا بس مو أكتر

                                        مكرر لا

                                        3- هل هناك فرق بين لفظ ولد ولفظ ابن أم أنهما بمعنى واحد ؟

                                        طبعاً يوجد فرق اذا قلنا ولد الله أي إن الله أب للسيد المسيح عن طريق الفعل الجسدي بينما كلمة ابن تعني الولادة الروحية او الانبثاق من الآب كما تقول الآية من سورة آل عمران في القرآن روح منه


                                        4- (الله و هو على الأرض كان موجودا في السماء ايضا. هذا اجحاف منا نحن المسيحيين لو قلنا ذلك و نحن لا نقول ذلك ابدا وانما هكذا اقاويل تنسب جورا الينا)
                                        1- أفهم من هذه العبارة أن الإله لما كان على الأرض كان الإله فقط على الأرض و لم يكن هناك إله في السماء فهمي صح و إلا لا
                                        2- هل هذا كلام جميع المسيحيين وممكن حدا يجيب لي أدلة تؤيدهل الكلام من الكتاب المقدس ؟

                                        إن ظهور الله في جسد إنسان ليس معناه أنه كان محصوراً ومحدوداً في هذا الجسد، لأن الله روح فرغم أنه كان ظاهراً في جسد إنسان فقد كان مالئاً السماء والأرض واكبر مثال على ذلك وبشهادة القرآن
                                        ( فنودي من الشجرة أن يا موسى إني أنا الله رب العالمين)
                                        الله كان يخاطب موسى من الشجرة سؤالي لك هل خلت السماء من الله حين حل في الشجرة ؟؟؟؟؟ ممكن جواب من حضرتك





                                        5- العبارة(ويقصد به يسوع المسيح (الله) كان دائما في العالم آي بعد طرد آدم و حواء ظل الله يتعامل مع البشرية و يكلم الناس بواسطة الأنبياءولكن عندما تم ملء الزمان و وقت تنفيذ الخطة الألهية قد آن. حبلت العذراء من الروح القدس و هذا ما يقصد به ليس من دم او رغبة جسد او رغبة بشر ( يعني مو جنس او شهوة ونطفة رجل + بويضة امرأة= جنين) و في مثل آيامنا هذه ولد الأله منها.
                                        أنتبه فوق هو كان موجود و به تكون العالم و كان مع العالم ولكنه الآن جاء الى العالم بهيئة البشر لأن الله لا يستطيع آحد ان يراه فكيف سيكلم البشر اذا لم يصبح بشرامثلهم و بما ان لا احد يستطيع من البشر ان يفي حق عقوبة عصيان آدم كان لابد من شخص لديه هوية البشر و ايضا هوية الله ان يقوم بالعمل الفدائي لتتم المصالحة و هذا الشخص كان يسوع المسيح )
                                        بفهم من هل العبارة أن :
                                        1- الرب الأب والرب الابن هو شيء واحد
                                        2- أن الرب الذي كان في السماءقد هبط لرحم السيدة العذراء لتحمل به ومن ثم تلده ليخرج الرب إلى الأرض على هيئةبشر .
                                        فهمي صح والا لأ وإذا كان فهمي غلط عطيني الفهم الصحيح لهل العبارة .

                                        6- شرح هل العبارة(ولا اظن ان الله الذي اتى و انحصر لمدة 33 عاما في الشخص البشري يسوع المسيح يستطيع في نفس الوقت ان يكشف الغيب و افكار الناس! اذن هو موجودفي كل مكان و زمان و ضابط الكون في كل آوان)

                                        7- ( يعني يسوع المسيح هو كلمة الله هو مرسل من عند الله هو نبي من عند الله هو الإقنوم الثاني التساوي في الجوهر هو ابن الله هو من يتمثل به كل مسيحي هو من خلصنا من الخطيئة الأصلية وبه تغفر خطايانا هو الروح المتجسدة بين البشر هو من يشفع للعالم عند الله )
                                        والسؤال : كيف يشفع السيد المسيح (الله ) للعالم عند الله ؟

                                        8- وأود ذكر حادثة كلام الله لموسى يأمره بها برفع الحية النحاسية فكان كل شخص ينظر لها من بني اسرائيل الذين حلت عليهم اللعنة يشفي ويبرئ
                                        والسؤال : هل تعتبر هذه الحادثة من معجزات نبي الله موسى والتي منحه الله إياها؟

                                        9- كلام ابن يسوع ( على فكرة ما بعرف اذا هي الشغلة بيعرفوها الشباب انو المسيح لما كان على الارض كان عايش حياة طبيعية كاملة يعني متل مو انت عايش هلا هو هيك انفصل عن الله ترك كل شي في السماء وتجسد لحتى يخدم الانسان)
                                        والسؤال : هل هذه عقيدة جميع المسيحيين ؟


                                        10- الجمع بين هل الكلام يلي كتبه الصديق أبو ريمون( يعني يسوع المسيح هو كلمة الله هو مرسل من عند الله هو نبي من عند الله هو الإقنوم الثاني التساوي في الجوهر هو ابن الله)وهل الكلام يلي كتبته الصديقة باربي(يسوع المسيح (الله) )

                                        11- ( قال انو بدو يجي نبي مثل موسى يعني التركيز فقط على صفة النبوة اللي بموسى فبيكون وجه الشبه بصفة النبوة)بفهم أن هذا هو أهم وجه شبه

                                        12- ورد في كلام الصديق أبو ريمون
                                        (المسيح)

                                        1- كلمات المسيح بعدطرد الشياطين من نفس ممسوس: "وأما إذا كنتُ بإصبع الله أطرد الشياطين فقد وافاكم ملكوت الله"

                                        2- "فصام أربعين يوما وأربعين ليلة حتى جاع" (فيني أسأل : أي واحد فينا لما بصوم أو بسوي أي عبادةبتوجه فيها لمين وبسويها لمين وكمان فيني أسأل : هل الجوع من صفات الرب؟

                                        الجواب المختصر لأسئلتك واستفسارك على حديث الأخوة مشكورين هو الثالوث

                                        يعني الثالوث ان الله الواحد له ذات و روح و كلمة

                                        للتفصيل أكثر
                                        الإيمان بالله الواحد في ثلاثة أقانيم ،والأقنوم هو الشخص المتميز غير المنفصل وغير المحدود ، فجوهر اللاهوت يتجلى في الله الآب كما يتجلى في الله الإبن والله الروح القدس على الرغم من وحدة الجوهر بينهم

                                        مثال الشمس قرص الشمس ... الشعاع.... النور لانستطيع فصل الشعاع عن القرص او ان نفصل النور عن الشعاع و لكنني استطيع ان اسمي كل جزء اسم ولكت بالنتيجة الجوهر واحد الا وهو الشمس
                                        وحتى لا نذهب بعيدا مثال من عندكم وأكرر مثال اسماء الله الحسنى هل تعني تعدد الآ لهة طبعاً لا ولكن من خلال عمل الله مع البشر اكتشفنا صفاته

                                        وسوف اعطيك مثال آخر.. حالة السائل والبخار والجليد لكن السائل ليس بخاراً أو جليداً ، والبخار ليس جلياً أو سائلاً ، والجليد ليس بخاراً أو سائلاً ،لكن كلاً من الجليد والبخار والسائل ماء ونحن ندرك وجود الله عندما نرى نوره من خلال إبنه ونحس بقدرته وقوة طاقته من خلال عمل الروح القدس فالحجر الذي يبدو ساكناً يعج بحركة داخلية لبلايين الذرات الموجودة فيه وإنه يصعب علينا أن نتصور كيف أن الله الموجود بذاته لا يكون ناطقاً بكلمته وحياً بروحه .



                                        .

                                        المسيحيه ليست بضاعه في سوق نروج لها لنكتسب اكبر عدد ممكن من المشترين. المسيحيه حياه و ايمان
                                        في كل يوم يصلب الانسان الف مرة ومرة ويصلب الوطن على طريق الجلجلة يسير شعب يحمل المسمار والصليب لانه يعيش في موطنه الحنون كالغريب وزهرة الخلاص في يديه مقصلة وسائر على طريق الجلجلة قد كللته المحنة السوداء بالسواد ومزقته اربا رصاصة الاحقاد
                                        أنا لا أحد وأنت،من تكون؟هل أنت أيضاً لا أحد وإذاً فثمة إثنان منا، إياك أن تخبرأحدا!وإلاألقوا بنا في المنفى
                                        وراء كل فوضى واشنطن وتل أبيب

                                        Comment


                                        • #80
                                          رد: المسيحية ممكن تساعدوني

                                          عذرا لم استطع ان أقرأ الردود فاذا تكررت فكرة أرجو المعذرة لان الردود كثيرة ومتشابكة لذلك قمت بالرد على ردك الآخير أخي الفاضل
                                          في كل يوم يصلب الانسان الف مرة ومرة ويصلب الوطن على طريق الجلجلة يسير شعب يحمل المسمار والصليب لانه يعيش في موطنه الحنون كالغريب وزهرة الخلاص في يديه مقصلة وسائر على طريق الجلجلة قد كللته المحنة السوداء بالسواد ومزقته اربا رصاصة الاحقاد
                                          أنا لا أحد وأنت،من تكون؟هل أنت أيضاً لا أحد وإذاً فثمة إثنان منا، إياك أن تخبرأحدا!وإلاألقوا بنا في المنفى
                                          وراء كل فوضى واشنطن وتل أبيب

                                          Comment

                                          Working...
                                          X